西環一帶有好多有特色嘅cafe 值得大家一試，呢間ARF cafe 更係不少打卡之人嘅首選。ARF cafe面積唔算大，基本上一眼望晒，但點估到一間小小嘅cafe竟然每一個角落都佈置得咁有風格，難怪曾經有電影要揀係ARF cafe作為拍攝場地「打打卡」。
一進店門就俾一面「杯子牆」所吸引，各式各樣嘅杯以整齊嘅方式掛係牆上面，相信淨係呢面特色牆都已經吸引到唔少人尊程嚟呢到打卡。
成間café嘅佈置我唔係形象佢為「文青」但就好「文藝」。由門口旁邊放滿舊書籍嘅小書架、牆上不同時代嘅電影／唱片海報、黑白色嘅掛牆鐘到咖啡機旁嘅收音機同舊式枱燈都帶住一份氣質。擺設係唔係古董我就唔知喇，不過呢到就絕對可以營造到一種懷舊嘅感覺。
ARF cafe 最受歡迎嘅可能係佢哋個All Day Breakfast，係IG都見到唔少All Day Breakfast 嘅靚相。不過，今次就決定同朋友試下佢Eggs Benedict 同Chocolate Waffle再加杯熱咖啡，慢慢享受一下呢個咁有特色嘅環境。
首先嚟到嘅就係一杯有心心拉花嘅Latte。當你係行咗一大段斜路，已經有d上氣唔接下氣嘅時候，之後飲返啖靚咖啡真係會即刻順番條氣～
Eggs Benedict $68
之後送上嘅Eggs Benedict 同Chocolate Waffle就唔算特別出色。好多人會話Eggs Benedict 入面最緊要就係個荷蘭醬，而呢份由ARF cafe 炮製嘅Eggs Benedict個荷蘭醬味道適中絕對合格，但可惜墊係底嘅muffins就硬得濟，破壞咗個成個口感。
相信大家都唔陌生嘅Chocolate Waffle就比Eggs Benedict 出色，窩夫做到外脆內軟又有濃濃嘅朱古力味，再配埋朱古力雪糕一齊食，的確係一種享受～
雖然食物出品唔算特別出色，但嚟得呢個地方，大家都係醉翁之意不在酒。所以有興趣朋友都不妨去試吓啦！
ARF cafe
西環石塘咀保德街23號地下 (近香港大學站 B1 出口)
G/F, 23 Po Tuck Street, Shek Tong Tsui, Western District
電話：2548 3261
星期一至五: 8am – 7pm
星期六日及假期: 9am – 7pm
圖文：C
版權所有，不得轉載
－
❤️ 仲想睇下有咩好嘢食推介，就睇下👉呢到👈啦～