如果上次冇睇到菲菲個故事，可以loop返呢條link先再睇埋今次個下集：
投稿讀者：婉儀
＝＝＝＝＝＝＝＝＝
菲菲自從畀肥佬包養之後，就冇再嚟過我呢間Love Hotel，因為肥佬喺深圳租咗間屋畀佢，我哋只係間中用微信傾計。
最初大家都係講一啲瑣碎事，但久而久之菲菲開始唔同咗，send親啲相過嚟都係名牌包包、飲飲食食、坐喺肥佬架車裡面自拍，仲有炫耀間屋有幾大幾靚。
我開始好奇，究竟肥佬包養佢要幾多錢？
我：「菲菲，他每個月給你多少錢？方便說嗎？」
菲菲：「20萬一年，他已經付我10萬，半年後再給我5萬，還有5萬是最後才付。」
我：「一年20萬，每個月也只是16000元，你不覺得在浪費自己的青春嗎？你好像才28歲對吧？」
菲菲：「不會呀，我也跟你說過，以前做銷售大概就是每月四、五千元工資那樣，我現在跟他一起，一年便能賺四年的錢。」
我：「如果你之前因為生活困難所以做沐足店，可能不是你想的，但現在為了這些物質給包養，我不能認同，努力學點東西，找一個行業發展，每個月一萬多元不是很難的事。」
菲菲：「姐，他會買化妝品，包包和其他東西給我，房租也給我付，這可不止20萬呀！」
我：「我也有買包包，都是省吃省儉去買的，雖然包包不是新款，也不是最貴那種，但我可以告訴別人包包的來歷，你可以嗎？而且房子是租也好，是買也好，最重要是沒有你的名字，不是屬於你的，搞不好玩厭之後要你走，你能做甚麼？能追討嗎？」
菲菲：「姐，我明白，但是我窮過，以前家裡甚麼都沒有，日子很難。」
我：「只要努力，只要有目標，日子不會一直難過的。我和丈夫都不是讀書人，學歷不高，你也知我做甚麼工作吧，就普普通通的，至少可以選擇自己喜歡的生活。」
菲菲：「你有聽過寧願在寶馬上哭，也不要在自行車上流淚嗎？」
我冇再接落去，畢竟出發點唔係要攻擊佢，而係希望佢有一個正確嘅價值觀，做情婦、做二奶、做小三，永遠唔會有好結果，一世都抬唔起頭，因為靠咁樣攞到著數，只因為有一樣嘢其他人唔肯做，得你肯做，就係腿張開。
嗰句咩「寧願坐喺寶馬入面喊，都唔要喺架單車上面笑」，我當然聽過啦！只係冇人話畀菲菲知，其實架寶馬唔係你嘅，可能下一秒，聽日，或者下個月，佢就會叫你喺路邊落車。
大約三個幾月之後，我見到肥佬同另一個女人嚟我間Love Hotel開房，當時好擔心菲菲，所以決定打破沉默，send咗個微信畀佢：
「菲，最近如何？」
「姐，我回安徽老家了，你最近好嗎？」
雖然我唔知菲菲係自發性返去，定係畀肥佬玩厭咗半路踢落車，但聽到佢一切安好，咁我都放心喇。
＝＝＝＝＝＝＝＝＝＝＝＝＝＝＝＝＝
婉儀投稿
《第一回》女仔唔好亂飲醉
http://hkofficedaily.com/?p=4208
《第二回》花美男
http://hkofficedaily.com/?p=4218
《第三回》幸福要靠自己爭取
http://hkofficedaily.com/?p=4222
《第四回》睇人唔好睇表面
http://hkofficedaily.com/?p=4231
《第五回》菲菲 1
http://hkofficedaily.com/?p=4240
《第六回》菲菲 2
http://hkofficedaily.com/?p=4199