作為一個西人攝石，等我話你知平時搭公共交通工具係點，呢幅圖其實都表達唔晒。
首先我隔離唔一定會係瞓覺不斷挨落我度嘅毒L or 麻甩佬，有時會係一個全程車不斷撩鼻屎嘅阿叔 or 西裝友。
後面亦唔一定係嗌破喉嚨講電話嘅老粗，間唔中係不斷踢我椅背嘅人，又或者唔知點解將把遮掛去我椅背，令我膊頭不斷「un」到佢個遮柄嘅人。呀，有時仲會係攤大報紙睇，令我啲頭髮不斷「hi」落佢份報紙度嘅人。
坐路口位嘅人亦唔一定會將私人嘢放晒去窗口位霸住，有時係冇嘢，不過你叫佢借借畀你入仲會眼望望好唔順超，唔知以為佢畀咗兩個位嘅錢。
我真係好有資格出呢張圖。