女同事有個朋友 出軌 ，之後發現新歡唔啱自己，決定坦白向男友認錯。
「佢男友雖然傷心，但竟然既往不究，我聽到都覺得感動，然後我返屋企試下老公，我同佢講自己出咗軌。」
我：「佢有冇打死你？」
「冇，佢嗰陣打緊機，好淡然咁話我副尊容都出到軌，如果係真又冇所謂，唔知點解我有少少感動，佢覺得我副尊容唔掂都同我一齊，呢啲都算係真愛吖。」
另一位女同事插嘴：「超，咁都叫真愛？我有男友屋企鎖匙，上星期自己上咗去，條友戴緊earphone睇AV，見到我之後嚇到賴尿咁滯，我咪仲感動。」
我：「有咩咁感動？」
「佢半年冇同我咩咩，對我已經冇晒興趣，但係堅持自己搞掂都冇同我分手，你話我感唔感動，你話呢份係咪真愛喇！」
不斷聽呢兩位女同事講反話，唔知點解有種不安感，希望佢哋嘅另一半安然無恙，尚在人間啦！
上一篇兩性文章：交友app 好好傾 見面後靜蠅蠅