46歲先嚟失業

非投稿,當事人純粹inbox分享,希望大家一齊畀啲鼓勵佢

=====

46歲先嚟失業,我喺求職網站搵自己本身嘅工種,幾乎全部招聘廣告都send咗CV過去,真係一個回音都冇,唔好話去interview,連電話都冇人打嚟,如果唔係間中有嗰啲推銷來電,我仲以為部電話壞咗。

未敢同老婆講,之前扮清大假留喺屋企3個星期,而家再扮唔到清假就扮返工,每日行到夠鐘先敢返歸。

思想好矛盾,想多啲公眾假期,咁我喺office hour就唔需要出街扮做嘢,但係太多公眾假期又驚影響搵工,怕人哋唔出廣告請人,怕人哋未有時間約見工,唉!

農曆新年就到,又要包利是,又想買新衫畀仔女,雖然有積蓄,不過一諗起再搵唔到工就坐食山崩,即刻乜嘢錢都唔捨得洗。 

error: