公司有個非常討厭嘅同事，名都費事同佢改，佢叫Candy，究竟有幾乞人憎呢？呢條垃圾好鍾意標籤其他人嘅年紀，人哋OT做緊嘢，佢就執晒袋收工行埋你身邊講句：「叔叔，唔好做咁夜喇，你年紀大呀，搏嚟都冇用啦！」
有女同事嗌外賣叫凍飲，呢個Candy又會無啦啦加把嘴：「喂，Auntie，你估你仲係後生女呀？飲少啲凍嘢啦！」另外有女同事經痛表現得唔舒服，佢自己都係女仔，竟然可以講句咁嘅嘢：「你捱多一兩年就停經啦！」
Candy應該唔止對同事係咁，因為有人add咗佢facebook，見到佢同自己friend合照post上網都會標籤人哋係40後，Candy打嗰啲字真係睇到都火滾：「雖然你個樣老咗好多，成個阿伯咁，但係都多謝你餐飯，#今晚同個40後朋友dinner」
我照字面解，人哋請你食飯，個朋友冇名㗎咩？你唔可以好好地叫人個名㗎咩？人哋老母改個仔嘅名叫「40後」呀？你個friend唔介意係佢大量，但你真係好仆街，識唔識尊重兩隻字點寫呀？唔好下下標籤對方年紀啦！
早排何韻詩開live唱哥哥嗰首《春夏秋冬》，同事喺office討論，Candy無啦啦又插嘴：「咩《春夏秋冬》呀？咁似啲打邊爐舖頭名嘅？」
同事答佢：「歌名嚟㗎！」
Candy：「嘩！咩歌嚟㗎？聽都未聽過。」
同事仲好好人繼續答：「首歌本身係張國榮㗎！」
Candy：「哈哈，張國榮唔係我嗰個年代㗎！完全未聽過呢首歌囉，個歌名勁娘！」
唔好意思，我EQ低，我扯L咗火即場爆呢條On9！
我：「其實你係咪覺得自己未聽過首歌好L威？唔識咪上網search囉！同埋你係咪覺得強調張國榮唔係你個年代，我哋就會覺得你好L Young？」
Candy：「我幾時有咁講過呀？」
我：「咁你笑完再強調張國榮唔係你個年代即係點呀？你未聽過首歌冇問題，大把人都未聽過，但你笑9人哋識呢首歌？你冇嘢呀？我第一次見人咁無知仲要衝出嚟柒。」
其實自從嗰次之後，我同Candy已經徹底反晒面㗎喇，同呢種人做同事冇得揀，但我可以揀唔同佢做朋友，唔同佢講嘢，唔再望佢一眼，完全唔需要覺得可惜，你睇返佢個friend，請完食飯仲要畀你話老，又要畀你tag 40後，識到Candy都真係人生中嘅污點。
我咁嬲係咪畀佢寸過？係呀，我就係其中一個畀佢嗌過做阿叔嘅人，但係有樣嘢想講，我今年34歲，你叫我阿叔冇問題，不過你知唔知Candy幾多歲？佢今年32歲……
OT畀Candy話年紀大嗰位男同事37歲，嗌凍飲畀Candy叫Auntie嗰位女同事仲細過佢，得31歲，至於畀Candy話就快停經嗰位女同事就同我一樣，今年34歲，ok，就當我哋全部係老嘢，呢條Candy自己都32歲，請問周圍話人老係咩玩法？
自己唔尷尬，尷尬嘅就係人哋，你十八廿二我唔怪你，但係呀Candy姐，你自己都三張喎，你好唔好意思呀？30後你同我講張國榮唔係你個年代？Ok，就當唔係你個年代，你講到張國榮好陌生好遙遠咁，Candy你唔會面紅㗎咩？
我十幾廿歲時絕對唔會笑人老，就算而家34歲，我都唔會笑大過我嘅人係老嘢，亦唔會開口埋口阿叔Auntie咁樣叫人，因為我有家教有修養，唔似得Candy咁樣，On9當有趣，以為咁樣講幾句就代表自己後生。
任何人都會老，除非Candy知道自己條命唔長，可能過多一排就死，否則年齡增長根本係好自然嘅事，你遲出世幾年就覺得好自豪？人哋早咗出世就要覺得好難堪好冇面？呢啲係咩思想同邏輯？標籤人哋年紀大，標榜自己年紀細，咁樣真係威啲咩？