噚日46歲失業個case，已經有好心人睇完之後叫我聯絡叔叔去見工，暫時未知請唔請，希望一切順利。
最近多咗啲簡短嘅分享，但係好睇嘅經歷都應該post出嚟。
＝＝＝＝＝
我公司做鞋，年尾就會將啲sample 送畀人，送唔晒就運去銷毀，今年因為大部分有同事認頭，所以最終得返三四對冇人要，咁我就直接丟去公司樓下個垃圾筒。
後來放工咁啱同老細一齊行落去，見到有個30幾歲嘅女人遮遮掩掩執緊頭先丟嗰啲公司鞋sample。
佢當時都見到我哋，表情突然顯得好尷尬，跟住我老細講咗句：
「嘩，啲鞋咁新淨都唔要呀？好嘥喎！」
我見到個女人喺眉宇之間成個人放鬆晒，冇咗嗰種唔好意思嘅感覺。
雖然係好小好小嘅事，不過唔知點解覺得老細好善良。