鬼佬同事學廣東話 無啦啦爆粗鬧老細

我哋公司有個鬼佬同事,平時大家用英文溝通,不過佢都好努力去學習廣東話,呢樣好抵讚,老細問過佢點解唔學國語,鬼佬話喺香港就要講香港人嘅語言喎!啱聽!

同事又點會放過呢個機會吖,任何語言都係學咗粗口先㗎啦!鬼佬都好醒嘅,有時見到我哋笑得衰衰咁就知係玩佢,所以佢同我哋出去食飯永遠唔敢開聲點菜,疑心好重🤣算佢醒啦,因為同事教親佢嗰啲餸名全部係賤嘢同埋粗口。

鬼佬知道長期靠我哋教佢廣東話唔係辦法,所以佢亦開始自學,條友仔成日喺office練習,例如我哋同客講電話:「聽日送貨有冇問題?」佢就會喺隔籬自言自語執口水尾照講一次:「聽一送four有冇蚊提?」一日到黑都係咁,有時都幾可愛。

但係鬼佬有時講嘢就不合時宜,同事忙到仆街嘅時候,佢會無啦啦問你一句:「你有冇兄弟姊妹呀?」兄咩弟姊妹呀,做緊嘢呀!同埋佢會唔明一啲字嘅用法,行路個「行」,同銀行個「行」係同一個字,只係用喺唔同地方就唔同音,雖然英文都有呢種情況,但鬼佬學起上嚟係難嘅,始終有啲字要死記,發音同應用又有九聲六調,係要下啲苦功。

有次lunch成班準備浩浩蕩蕩去飲茶,鬼佬無啦啦望住老細講:「閪狗!」

老細:「你講咩話?」

鬼佬:「閪狗!」

老細有啲唔敢相信,同時又扯扯地火:「邊個教你鬧我閪狗?」然後再望住我哋講:「係咪你哋教佢用粗口鬧我!」

鬼佬feel到氣氛唔對路,即刻喺櫃桶拎咗本書出嚟指住:「閪狗!閪狗!」

睇過,喂屌你老味,蝦餃呀!因為佢記得飲茶個發音,一聽到老細話飲茶就向住佢講「閪狗」🤣🤣🤣

老細又係嘅,咁小心眼,邊有同事敢教鬼佬叫你做閪狗吖,有啲嘢在心中,唔會叫出嚟嘅,不過鬼佬如果仲未拿捏到發音,下次講燒賣算啦,佢會講「燒mind燒mind」,穩陣過講蝦餃吖嘛!

投稿讀者:Chelsea.W

error: