2月入咗間新公司做，經過兩個月嘅摸索期，基本上已經適應咗，唯獨是對住我阿姐仲未適應到，唔係話佢工作上麻煩，而係阿姐嘅身材同衣著實在太惹火喇，有嬌人嘅迫爆上圍不特止，仲要下下低胸真係好惡頂，sorry，唔係指佢樣衰嗰種惡頂，相反地係太正先至惡頂，而且佢仲試過飛釘，人哋啲網紅就真空散步，佢就真空返工……
不過有一樣嘢我要利申咗先，我係女仔，因為大家未係好熟，我平時同阿姐講嘢都要借視線，否則下下畀佢個胸吸引到眼定定真係好尷尬。
阿姐有次食晏傾閒計時透露自己係70後，細個睇嘅卡通係機靈小和尚，咩巴巴閉閉巴巴閉閉一休憎，我都要google先知係咩嚟，佢仲話自己改唔到口叫多啦A夢同胖虎，佢真係完全唔介意畀人知道而家40幾歲。
雖然係40幾歲，不過佢keep得好好，身型同個樣都係，呢樣應該同佢平時做gym有關，因為阿姐每星期梗有兩三日係放工換埋套運動衫先走，short cut窄身上衣，下身係好多人都討論嘅瑜珈褲，前凸後凸，公司啲後生女完全被比下去。
不過咁，阿姐平時著返工衫仲索，OL look但係件恤衫永遠扣淨兩三粒鈕，基本上你行埋去佢個位一定有嘢睇。
豐滿上圍配緊身衫或者低胸已經夠出眾，我仲見過阿姐真空飛釘，頭一兩次見到我都唔敢出聲，後來有次全女班食lunch，阿姐又冇嚟到，所以我先至敢開聲討論。
我：「Daisy姐係咪飛釘？我有冇睇錯？」
女同事：「佢成日都係咁㗎啦，佢話以前喺加拿大都唔戴bra出街，返香港已經少咗。」
後來同其他部門同事熟咗，先知原來好多人都羨慕Daisy姐嘅身材，Receptionist個妹妹就曾經同我講：「你哋Daisy姐真係好靚，今日件deep v好癲呀，好想掂下，應該冇整過啩，但係呢個年紀唔墮㗎咩？」
我：「嘩！好在你唔係男仔咋，講到咁猥瑣。」
Receptionist：「你估班男同事私底下冇睇冇講咩！不過唔會喺我哋面前討論之嘛！」
咁又係，正常男人唔偷望先至奇啦！不過男同事真係會避忌啲，一來大家要每日共事，二來好似我咁，Daisy始終係上司，又或者對其他男同事嚟講都係屬於senior，有啲嘢適可宜止，始終講者無心，聽者有意，口沒遮攔就會變成性騷擾。
我條team有個男同事，次次大家討論Daisy姐佢都唔參與，但我又好想知佢係咪全無歪念，有次追問多幾次，呢位男同事終於講出自己嘅感受。
男同事：「借視線囉！唔係點呀？」
通常樣衰先要借視線㗎啫，估唔到望個靚女都要借視線。
男同事話，每次Daisy姐叫佢埋去講嘢，角度都係Daisy坐喺度，佢企喺度，面對呢個咁衝擊嘅映像，唔借視線又可以點解決呢？
男同事：「俗啲講句，唔通每朝打10次飛機先返工咩！咁咪望下Daisy隻手，望佢對耳環，望枱面啲文件，我驚自己唔小心瞄到條事業線會畀Daisy發現，一陣當我係色狼就麻煩喇！」
我個人覺得Daisy係唔介意，介意就唔會咁樣著出街啦，不過世界係好現實嘅，靚仔眼定定望你就叫觸電同浪漫，樣衰嘅人咁樣望就係猥瑣同變態㗎啦！至於呢位男同事……都係借視線穩陣啲！
雖然我係女仔，不過始終未過試用期，我都驚自己會望到好失禮，你哋唔明㗎喇，有時係好難唔望㗎，唔係深坑就係飛釘，只係周圍望有時會顯得好鬼祟，結果我「研發」咗另一個方法，就係諗啲又悶又唔關事嘅嘢。
今朝開會，Daisy又真空飛釘，佢仲要著貼身同白色衫，我見個男同事全程低頭，我就唔想顯得咁唔專心，所以照望住Daisy，而個腦就諗下聯儲局加息、全球氣候暖化、我隻MPF上年嘅表現、OPEC+減產會對油價有咩衝擊……都係嗰句，好在我係女仔，其實男仔喺呢間公司做嘢真係會好易衝動。（完）
《辦公室日報》最新一集YouTube又出咗喇，今次搵嚟一對日本搞笑藝人夫妻檔，睇下佢哋點樣經歷月薪得$118嘅日子，若笑著吃苦也餓不死。
