今朝打畀個friend問嘢，但係佢當時開緊會，足足開咗成朝，啱啱先call back我。
我：「冇得home office咩？仲要開會？」
「Home office都照開視像呀，問你服未？你間headhunt公司唔使開會㗎咩？」
我：「首先我冇做headhunt好耐，不過當時我條team都好少開會。」
「係喎，你而家自己有檔嘢，雖然係細公司啫，不過你唔會捉同事開會㗎咩？」
我：「大家做咗咁多年嘢，一早知個定律係～～～雞毛蒜皮嘅事先開大會，大件事就閂埋房門幾條友開細會，愈係重要同緊急嘅事通常都唔開會。」
「又好似係，早排全公司8折出糧，老細都冇同我哋開過會。」