追尋自己嘅夢想

成班舊朋友好耐冇見，星期日難得出嚟食飯，不過其中一位甩底，原來係臨時有工返要去酒店中菜廳炒散。

呢位朋友好鍾意夾band，一直話要自資搞音樂製作同埋出碟，當然唔睇好嘅人比較多，包括佢父母，但係佢從來唔會問屋企攞一分一毫，亦定時定候畀足家用，喺完全唔影響到人嘅情況下去追尋自己嘅夢想，其實有何不可？更何況佢做開文職，星期六日或者假期都唔介意去酒店炒散，我自己就好欣賞喇。

每個人都可以有志氣比天高嘅夢想，但同時亦要有腳踏實地嘅能力同本事，咁就冇人可以阻止我哋做自己喜歡嘅事。