公器私用post
我咪話會整辦公室日報月曆嘅，有兩個問題想集合大家意見：
1）需要精選12個post嘅金句出嚟，我個人有兩句應該必定會收錄，包括「錢少事多返工遠，權輕位低責任重」，同埋「你冇資格干涉別人嘅生活或者工作模式，但你絕對有資格同埋權利挖盲自己對眼」，想問下各位有冇其他金句心水呀？有冇邊幾個post令你哋好深感受？
我喺大家畀完意見之後，會統計好再攞返最多人揀嘅金句去印，然後就要開始做喇，所以你哋畀完意見我輕輕一like即係代表收到，跟手搞個excel，今晚唔係懶唔覆留言呀，見諒！
2）你哋想個月曆嘅金句係用返辦公室日報出post嘅圖，定係搵人再設計公仔？
搵人設計好處：靚啲，有新鮮感。
搵人設計壞處：我唔係畫畫起家，未必有人design到一個畫風吻合個page，而且呢個都會增加成本。
當然可以有第三個選擇或者其他意見，歡迎提供，到時你見我輕輕一like你嘅留言，即係代表我睇咗。
無言感激！
BTW，怕唔怕有啲金句太辣，擺喺office唔方便，會得罪人呀？😂