講鹹嘢唔避忌:班女同事當我透明

我個部門有5個女同事,上司都係女人,得我一個男仔,下欄嘢同粗重嘢交晒畀我無所謂,因為年紀同職位都係我最細,呢啲全部預咗,不過最頂唔順係班女同事每日都勁講鹹嘢,當我透明完全唔避忌,聽到我好尷尬。

可能好多人會覺得咁多女圍住自己好過癮,但我就完全冇呢種感覺,因為佢哋真係好嘈,而且呢班女同事基本上全部有老公同埋男朋友,最後生嗰個都大我5年,加上我自己都有拍拖,所以我對佢哋係完全冇任何幻想。

不如聽下佢哋平時講咩先啦好冇?

「我老公勁耐冇同我搞嘢囉,佢話好攰喎!攰咗半年喇喎,都唔知佢想點!」

「你問佢打機攰唔攰吖!佢係咪出面有第二個女人呀?」

「係囉,男人半年唔出嘢?搵鬼信咩!我男朋友一個禮拜要3次呀!」

「你都識講男朋友啦,拍拖嗰陣好熱衷㗎,結咗婚就會搵藉口唔做㗎喇。」

作為全部門唯一一個男仔,最難頂就係佢哋會講講下忽然問我:「Jason,係咪咁㗎?你幾耐同你女朋友做一次呀?」

其中有個女同事成日拍拖,但係全部男朋友都係交友App識,佢嘅遭遇真係可以拍一套AV。

「早排識咗條仔,40幾歲話搞緊離婚,而家自己住,叫我搬埋去同居,我梗係唔制啦,佢需求好大。」

「需求大咪好囉,滿足你吖嘛!」

「見親面都係搞嘢,次次出嚟都要上佢屋企,又買晒制服畀我著,我覺得佢有啲變態。」

「有咩制服呀?仲叫你扮學生妹呀?我老公之前都買咗空姐衫畀我,情趣嚟㗎!」

「咪係囉,好過我除晒衫老公都唔掂我吖!」

我已經扮聽唔到繼續做嘢,不過都係難逃一劫:「Jason,你同女朋友會唔會玩制服㗎,玩具呢?」

呢啲其實都好小兒科,佢哋嘅話題有時真係好大膽,如果唔係親眼睇到同埋親耳聽到,你係唔會相信由一班女人嘅口中講出嚟。

「我同咗條新仔一齊,佢勁鍾意狗仔對住塊鏡做囉,得一個姿勢㗎咋!」

「你咁大,佢梗係想對住塊鏡睇你『朗下朗下』咁啦,我都想睇呀,不如你跳兩下,或者行遠啲跑過嚟吖!」

「其實得一個姿勢都幾好吖,我條仔仲煩,做一次轉十幾個姿勢,有啲我都想像唔到,佢話打椿機咁樣最入喎!」

「最入梗係打側啦,半邊燒鵝髀咁呀,咁大家咪唔會頂住囉,我次次都要佢做呢下㗎!」

結局你都估到啦,梗係是但一個女同事問我:「Jason,你同女朋友通常咩姿勢㗎?有冇試過半邊燒鵝髀先?」

公司有新男同事返工,成班女人一定會評頭品足。

「隔籬team條肥仔幾得意喎!」

「肥人jer短呀,有冇聽過呀?」

「都未必嘅,我以前有個男朋友係肥仔,都幾勁㗎!」

「Jason,你以前上PE堂有冇研究下其他男同學呀?肥人係咪一定jer短㗎?」

呢班女同事仲有一句對聯係成日都講,有節奏㗎,佢哋話:「肥人jer短~~係必然嘅道理,肥婆冇波~~就唔L好去死」,留意返,「係必然嘅道理」同埋「就唔L好去死」都係速音,好似變咗佢哋嘅口號同埋金句一樣。

其實我相信女人堆同男人堆一樣,圍埋一齊多多少少會講下鹹嘢,不過我同男仔一齊都唔會講到咁露骨,如果佢哋唔係永遠都要臨尾燒埋我嗰疊,有時都幾好聽幾好笑,只係我都會尷尬,同埋太私人嘅嘢唔知點樣回應,大家又唔算好熟,我都係做咗4個月鬆啲咋!

早兩日呢班女同事又嚟料,無啦啦話我打字好大聲,然後語帶相關又講鹹嘢。

「啪啪聲喎Jason,平時你同女友搞嘢係咪都啪啪聲㗎?」

「咁你條女嗌得大唔大聲?我老公話我好大聲,成日驚嘈親隨隔籬屋。」

我:「喂,其實你哋成日講呢啲有冇理過我感受㗎?」

「理咩感受啫,我哋對你都冇興趣,你又唔靚仔,又唔大隻。」

「咪係,有個型男喺度我就唔會講喇,保持形象吖嘛,對住你唔使理形象啦,你未嚟之前我哋都係咁。」

估唔到聽完佢哋講鹹嘢,仲要畀佢哋踐踏埋自信心,其實遇到一班痴女同事日日討論性事,我可以點樣自處呢?有冇咩高見呀?

error: