大家Interview被問過咩白痴問題？相信冇一個可以超越我嘅遭遇。
就係噚日，我去咗間公司interview，張form最後一欄要填緊急聯絡人，是L但啦，隨意填咗阿媽個名同電話，過完HR，即刻見埋個經理，然後呀經理一路同我傾一路睇份form，突然問咗我一條問題：「緊急聯絡人係母子？點解唔同姓嘅？」
你知唔知自己問緊咩呀？
已經唔想答，希望佢自行消化，點知個經理再加多句：「最好填返直系親屬喎！」
我：「我老母姓黃，所以佢姓黃，我老豆姓鄧，所以我姓鄧。」
仆佢個乖吖，呀經理仲要思考咗兩秒，跟住先識得同我講：「哦！係喎係喎！跟爸爸姓喎，哈哈！」
HR入房前其實畀咗個test我做，不如順手畀個智力test呀經理做啦！