老闆傳退休都傳咗3年又3年，今年佢真係退落嚟喇，仲將支棒交咗畀外國返嚟嘅仔。
老闆仔有 heart有活力，公司亦多咗份朝氣。整體而言，一切係變得更好、更順、更簡單。
但兩代人始終喺作風同理念上有出入，所以大家都用咗少少時間磨合。例如幫老闆打江山嘅Pat姐，同事之間個個都服佢，因為佢不論湊客定拓展新生意都好出色。不過人係無十全十美，對於客戶睇唔到嘅嘢，例如辦公室環境或者admin嘢，Pat姐就唔太重視，咁多年咩都無變過咁滯。 好似我哋啲辦公室凳，全部用咗十幾廿年，謢脊功能都無。有一次，唔知Pat姐係咪因為嗰排捱更抵夜趕交proposal俾新客，坐喺電腦面前太耐，就整傷左條腰。
新老闆：「啲凳咁舊，係時候換批新喇！仲有，批辦工室枱都換埋升降款啦！」
我哋嗰嗰心入面拍哂手掌，但Pat姐就話：「吓？辦工室枱升降有咩用呀？我張凳可以較高較低就得啦！」
新老闆：「你條腰整親唔可以坐咁多架喇，有咗升降枱你同其他同事做嘢坐到攰嗰時，都可以企下嘛！」
另一次，新老闆話有supplier反映收錢好難，因為下下要簽名再hard copy寄返嚟，一來一回好嘥時間。
新老闆：「而家網上簽名send個email嚟咪搞掂囉，我哋自己print都得㗎，唔洗下下要supplier又print又寄啦！2022年喇喎！」
我細細聲答：「你呢個問題呢……我都問過Pat姐，但佢話唔係priority，所以一直都無處理…」
新老闆新人事新作風，辦公室環境同埋收invoice都要改革，但Pat姐作風一向睇業績至上，其他嘢就唔多想理。所以當新老闆話要開多間公司擴展業務，準備開多個新account嘅時候，有份參與嘅Pat姐就忍唔住一路呻麻煩，一路執齊啲文件準備落銀行，跟住新老闆就話：「唔使出去㗎，上網搞咪得囉！」
Pat姐：「你唔去銀行排隊點開戶口呀？你後生仔有所不知，一陣開唔到戶口隨時蝕埋開戶費㗎！」
新老闆：「唔係呀Pat姐，上網開account真係快靚正，而家數碼化㗎喇！ 」
新老闆直頭搵埋DBS嘅資料同網址，好詳盡咁解釋星展網上企業開戶最快19分鐘*就可以完成網上填寫申請表格同埋提交所需文件，然後再用手提電話核實身份，最快可以喺3個工作天#成功開戶，全面體驗DBS簡單易用嘅IDEAL企業網上理財服務。
新老闆：「你行得落街再去排隊都唔止19分鐘，就算你求其煲集韓劇日劇，19分鐘都未睇得晒啦，但咁快就可以完成到個銀行戶口申請，係咪好方便呢？」
新老闆仲話，假設開戶唔成功，DBS係唔會收公司開戶費**：「Pat姐，其實呢兩年疫情已經好多人透過網上開戶㗎喇！」
Pat姐：「平時我哋同supplier攞貨呀，都係要打好關係㗎，你唔去見面點傾到其他著數呀？」
新老闆：「網上開account所得到嘅優惠一啲都唔會輸蝕㗎，亦會有專人跟進開戶。最緊要係我唔想Pat姐你咁辛苦撲嚟撲去吖嘛！你平時要處理咁多緊要嘢，行開咗點搞得掂呀，公司冇咗你唔得㗎！」
嘩！咁識講嘢，Pat姐梗係受落啦！
Pat姐click咗新老闆畀佢條link，真係見到開設公司銀行戶口最快只需3個工作天#，同埋多項「$0收費」禮遇^，例如免轉數快、電匯、本地電匯交易費及首3個月最低戶口結餘服務月費^，正所謂少數怕長計，減省咗咁多支出喎！對做生意或者擴張業務嚟講肯定係好事，而且開戶後仲有數碼商務解決方案、個人化網上銀行、即時轉賬服務，同埋快速兌換外幣等等嘅功能，乜都唔會少。Pat姐跟住仲禮尚往來讚新老闆：「估唔到成個過程又真係咁快捷方便！慳返腳骨力之餘，仲可以將啲時間處理其他公事。」
其實新人唔一定勝舊人，可以各有所長！好似老闆仔依家接咗棒差不多成年，佢都成日話傾生意方面仲未向Pat姐學滿師！不過新趨勢就一定要與時並進，因為做生意要識得把握機會同爭分奪秒，喺度擺低新老闆提供嘅連結，等大家都可以去了解更多或者直接聯絡DBS，網上開設公司戶口就係咁簡單。
** 成功開立商業賬戶後，將收取最低1,200港元的賬戶設立收費。
# 須符合資格及條件。
^ 優惠受條款及細則約束。
*為真實網上企業開戶填寫申請表案例