新工第一日，我早咗5分鐘左右返到，發現全office嘅同事已經到齊，啲打字聲劈哩啪啦！
第二、三、四、五日準時9點返，情況一樣，所以一星期後我再早15分鐘，即係8:45返到，但我仍然係全公司最遲嗰個。
出於好奇，加上未過試用期，第三個星期我8:30返到，又係同一個畫面，同日上司捉咗我入房傾計，佢話：「你要再投入啲同積極啲喎！返9點係指9點開始做嘢，唔係咪咪摸摸游嚟游去，10點鐘先正式開工喎！」
畀佢咁講完覺得好委屈，就算我唔係9:01就投入工作，都冇話游嚟游去10點先開工，何況我係新人，工作量點同你哋班舊人比呀？
當時做咗差唔多一個月，其中一位同事比較熟少少，我就直接問佢究竟返幾點，佢答我7:30……
未趕得切露出驚訝表情，呢位同事又同我講，隔籬team呀邊個6:30已經返到，隔籬team又唔知邊個係搭港鐵頭班車……佢嘅語氣就好似講緊啲名人嘅威水史。
結果我做咗一個月就辭職，上司冇挽留，亦冇問原因，應該係覺得我未達到佢要求