溝女 ,用一張500蚊紙就得?

我同事教個男會員 溝女 ,跣咗佢一鑊!

有位男會員話,佢隔離office有個女仔好靚,一直想問人拎電話但唔夠膽,咁我同事以前係follow開呢位男會員,所以聽完之後就獻計:

「好耐之前用過一招幾work,你可以試下,當時我喺銅鑼灣金百利行街,見到個女仔幾靚,對方又係自己一個shopping,我就拎住張500蚊行埋佢附近扮執到,然後問個女仔係咪佢跌,個女仔話唔係,我就提議既然喺度執到,不如一齊食咗佢,結果大家去咗百德新街嗰邊食飯。」

男會員聽完之後覺得可行,照辦煮碗日日袋住張500蚊紙,但佢個女神幾乎亦日日同一大班同事出去食飯,結果苦等大半個月終於有機會,某日佢女神自己行出去食lunch,聽聞個故事係咁發展:

男:「小姐,呢張500蚊係咪你跌㗎?」

女:「係呀,唔該晒唔該晒!」

電梯到,一齊入,裡面十幾人嘈過街市,落到大堂,嗰位女神再向我哋個男會員講:「唔該晒你呀!」然後女神就急步離開,完。

識睇一定睇留言

上一篇兩性文章:唧黑頭 . . .其實有咩咁好玩?

error: