有個返咗工兩個禮拜嘅新人，對住我同另一個同事呻：「Admin條八婆勁寸，十問九唔應，又晦氣，真係DKLM！」
Admin嗰邊其實有4條女，我身邊個同事應該想幫新人解圍，點知跣咗佢一鑊：「邊個Admin？」
新人：「嗰個Rosita囉！佢係咪對個個都係咁？」
我：「佢係我老婆。」
當時office人來人往，但仿佛只有我哋3個定咗格。
新人率先打破沉默：「唔好意思……」
我同老婆平時好低調，返工一齊，食lunch就各自各同自己部門同事，通常我要OT，老婆會返屋企先，而且結咗婚幾年，同事間唔會刻意提。
個新人日子淺，唔知好正常，不過奉勸大家返新工未摸清樹枝圖，盡量唔好開名Diu人，唔係個個好似我咁，識得感同身受。
我：「唔緊要，有時佢喺屋企對住我都係咁。」
我當冇聽過，大家繼續做嘢。