Menu
「咦！Christy去咗東京咩？冇聽佢講嘅？」隔離Team個八卦同事A姐行埋嚟問。
事緣A姐朝早Send咗個Email俾Christy，秒收Auto Reply：「快閃旅行，人在東京轉用日本電話卡，無法收到電郵及WhatsApp，如需即時協助，請聯系……」
A姐一臉不忿：「真係冇方法聯絡到Christy呀？我想叫佢幫手喺日本藥妝店買嘢，又會咁突然嘅？」
我心諗：大佬呀，全公司都知你上次叫人買「少少嘢」，係一3頁紙長嘅Excel代購List呀！平時交Report都無咁長啦。人哋搭車去買嘢唔使時間咩？去旅行係為咗放鬆，唔係幫你做免費跑腿囉好無？
Christy梗係嬲啦！所以今次個OOO message擺明有「目標受眾」，係呀！係去咗東京呀！不過幫唔到你買喎！快閃邊有得講定㗎，用碎片時間去旅行當然冇路捉啦！做人一定要對自己好啲，愛自己多啲，旅行幫你做跑腿，不如去多一個景點仲好啦！
講起霸氣OOO message，之前HK Express咪同大家玩咗個「最有創意OOO message遊戲」嘅，送機票畀你嚟個72小時快閃Self-love旅行，你有冇份留言參加先？喺度順便公佈埋大獎得主，一齊睇下佢嘅OOO message有幾正：
係咪好正呢？抵呢位讀者贏咗HK Express來回機票，可以去一轉72小時之旅，好好放鬆一下！
其實仲有好多好正嘅OOO message，呢2個我都抄低咗諗住遲啲用：
講講下都撩起咗自己鋪旅行癮，就用週末三日兩夜對自己好啲，飛轉快閃旅行先。講到快閃，當然係分秒必爭啦，HK Express一系列增值服務同產品就好幫得手！例如香港快運優先服務+，喺機場設有專屬辦理登機手續櫃檯，提供優先辦理登機手續同閘口優先登機，減少等候時間，放工施施然去機場都仲得，而家仲送多個航班延誤保障比你。買機票嘅時候又可以提早預計機上餐飲服務，即係唔使趕頭趕命食埋先上機，到時喺萬尺高空依然品嘗到香港地道滋味。
另外，香港快運改票易(HK Express Flexi)呢個選項，就可以畀旅客喺每航段免更改費改期一次，有咩突發變化都能夠輕鬆調整，成個行程就更靈活同自在啦！座位選擇方面，預先選購前排座位（Upfront seats）或者舒適空間座（Comfort Seats），唔止可以喺航班抵達後快捷落機，同時亦享受到額外嘅伸展空間。記住呀，HK Express愈早加購愈慳得多！
你話咖喱魚蛋+魚肉燒賣、港式經典原味雞蛋仔、港式腸粉，定係菠蘿叉燒包好呀？樣樣都想食喎！呀唔係……HK Express嘅直航班次都唔少，可以去日本、韓國、越南、泰國、馬來西亞仲有中國內地等等，我應該揀咗地點先！
今個Weekend，不如就對自己好啲。勇敢Set好個OOO，一齊快閃出走啦！各位如果衝一個72小時快閃旅行，又會揀邊個心水目的地呢？