本身唔想提呢單嘢，因為諗返起都覺得核突，點知近日接二連三見到啲Hello Hong Kong怪新聞，先有高級督察非禮完女店員，再話畀一球做掩口費，加埋嗰單巴士自瀆扑爛車窗逃走，我啲記憶即刻返晒嚟。
13年前喇，當時係2010世界盃，如果冇記錯喺南非踢，有場直播凌晨兩點幾，本身我唔係場場都睇，但嗰次係我愛隊英格蘭，屋企睇得唔夠過癮，太夜唔嗌得吖嘛，又唔想落酒吧，咁咪返公司用Sopcast睇囉！
Sopcast係嗰啲睇波串流外掛，而家應該冇人用，聽講ban咗喇，網上非法睇波係咁上下啦，不過當時好興㗎，畫面又清。講返正題，嗰晚我買晒宵夜返公司諗住睇英格蘭，竟然畀我撞破一個同事打飛機。
印象中嗰場英格蘭開兩點幾，因為我住得好近公司（如果唔係都唔會返office睇），家住杏花村，公司喺楊耀松嗰頭，如果係街坊應該會明，香港地熱吖嘛，一般搭小巴，當然要行都冇問題，辛苦啲囉！
拎住外賣返office已經見到有燈，第一時間心諗邊個又返嚟睇波，一係就唔記得熄燈，班同事咁懶就冇可能OT㗎喇（唔知點解冇諗過有賊），咁買晒外賣著晒英格蘭波衫，唔通走咩，都要入去㗎啦！
記得入到office已經講咗聲：「係咪有人？」但冇人應，然後行多兩步就見到有個同事用電腦睇緊鹹片，睇唔到佢下體，不過明顯有chok chok下嘅動作，因為佢係背住我，不得不分析一下我當時心理狀態，首先有諗過走，但我唔知夜鳩媽媽去得邊，嗰頭工業區……
又諗過拍一拍個同事，如果我唔出聲返自己個位坐，佢一陣打完飛機咪嚇Q死，順帶一提，個同事睇鹹片嗰陣係戴緊earphone，已進入忘我境界，難怪聽唔到有人入嚟。
我認得個同事，佢係隔籬組，唔算熟，比我做得耐，但唔係senior，當然，我都認得佢睇緊個AV係麻美，因為我自己當年都有J開。
唔明佢點解半夜三更返office睇鹹片，當時更唔明點解會背住office正門咁傻仔，可能佢冇諗過有人會咁夜返啦，加上佢用自己公司部腦睇片，而佢個位本身係背住office正門，如果有得揀，或者佢都想坐入啲嘅。
而我嘅決定係……都要同佢打聲招呼，畀佢知有人返咗嚟，唔通同一個office裡面，我喺一邊睇波，佢係另一邊打飛機咩，呢個畫面會唔會太地獄呀？（佢變態啫，我唔係吖嘛！）
但其實我行埋去仲有幾步，都未嚟得切拍佢，呢位同事已經feel到有人行埋嚟，唔知係見到有影還是我啲氣場，總之佢突然擰過嚟，頂，大家都嚇親，佢嚇得勁啲，坐喺度都原地彈咗一下。
跟住佢就狼狽喇，又要問我點解返嚟，又要擰返過去熄mon，又要擺低手上嘅紙巾，又要著返條褲🤦🏻♂️我呢下就真係睇到佢條……而我就答咗句：「返嚟睇波。」隨即行返去我自己個位嗰邊，你話我仲可以點吖？
扮冇事嗱嗱聲開Sopcast睇英格蘭，最慘係我同呢位同事本身唔熟，想講笑打圓場又唔恰當，大家平時冇乜兩句，我真係唔識點處理，嗰陣我廿幾歲仔咋，換轉係而家，可能仲會講幾句廢話緩和氣氛嘅。
好老實，如果我冇買外賣，嗰刻一定轉身離開公司，最多返屋企唔開聲默劇咁睇波，不過我真係唔想拎外賣返屋企，老豆老母好醒瞓，更加唔想拎住外賣喺街食咁慘，我又冇做錯嘢，英格蘭又開波喇，我一分鐘都唔想miss，喂！我都好難做㗎！
世界盃比賽開波前一定會奏國歌，國歌都未播完，個同事已經熄晒電腦準備走，佢臨離開office前行埋嚟同我講：「可唔可以唔好話畀人知？」
我唔係識做，我係同人講都覺得尷尬，所以簡單答咗句：「得，明！」
以為完啦，點估到呢位同事走咗又返轉頭，你唔係睇完麻美想搞我呀？大家都係男人喎！
隔咗十幾年喇，準確對話用詞已經唔記得，但我印象好深刻佢講過「利是」兩個字，踢得世界盃都係夏天，又唔係新年，心諗咩「利是」呀？
總之佢就想表達可唔可以畀「利是」我做掩口費，佢最初係提出$3,000「利是」，我話唔使，然後佢再提出$5,000，我都話唔使，到最後佢提出$7,000，跟住我就有啲唔耐煩：「真係唔使呀！得啦！唔會同人講，當冇見過你。」
我唔耐煩係因為想專心睇英格蘭，如果畀人煩住睇波，咁我不如一早留喺屋企睇。
最終佢真係走咗喇，但第二日喺office撞到就好尷尬，唔知以為斷背山，真係好難同人描述呢份感受。
條友打內線嚟同我講：「畀半份糧你做掩口費，為期一年，真係唔好同人講，你睇下得唔得？」
嘩！咁我咪肥過肥仔水，其實我完全冇諗過講出去，亦都冇打算收佢錢，因為唔想好似勒索咁，班同事把口好賤㗎，佢哋知道一定會講呢啲：「佢有冇叫你幫佢打出來呀？」（打出來三隻字肯定講國語），又或者：「有冇一齊睇一齊打呀？」再唔係就：「邊睇波邊咩咩囉，都係男子運動啫，畀個機會人啦！」
每個月半份糧我受唔起，所以再一次拒絕，但呢位同事隔幾日再同我講，話覺得公司有人望住佢細聲講大聲笑，思疑我爆響口，嗰時我後生吖嘛，邊識咁多人情世故，記得我好惡咁同佢講：「咪L煩啦！話咗唔講就唔講，信就信，唔信就L就！」
可能我呢句說話真係嚇親佢，過咗唔係好耐，呢位同事竟然辭職唔做，仲要係賠錢早走……
我曾經有啲guilty feeling，因為佢resign得咁突然，一定係關嗰晚嘅事，後來諗諗下，我返公司睇場英格蘭啫，你喺公司打飛機係咪痴線咗啲呀？半夜三更喎！你變態㗎？諗到呢度就覺得佢辭唔辭職關人鬼事，我冇理由要有罪疚感囉！
最近高級督察非禮女店員單嘢，條友又話畀一球，又話畀兩球，聽到都覺得on9，但其實一條友做咗衰嘢之後咁慌張，絕對係咩都講得出，同埋我嗰陣又細個呢，我寧願英格蘭入一球，都唔要你嗰一球啦，而家就好難講……可能收咗先算🤣
其實我有懷疑喺巴士自瀆再爆窗跳車嘅人，就係我當年呢位同事，不過睇返年紀又唔係好吻合，新聞話係20至30歲，我呢位舊同事13年後都應該成40歲，所以你話幾多奇怪人吖，打隻飛機啫，返屋企匿入房咪乜事都冇囉，又要半夜返公司睇麻美，又要喺巴士露械，究竟呢種人係咩心態呢？（完）
好多故事已經教訓咗我哋，office hour以外就唔好返公司喇……
漏低嘢返office拎門口聽到呻吟聲
https://hkofficedaily.com/?p=15735