多粗口，如果有抵觸可以刪減，但因為太嬲，文縐縐完全表達唔到自己嘅情緒。
本人男，做HR，某日朝早9點半左右，receptionist打內線畀我：「有人搵你見工。」
我：「見工？今日得一個interview，約咗下晝兩點喎。」
Receptionist：「但真係有人上嚟見工喎，而家坐咗喺梳化。」
乜撚嘢呀？明明約咗一個叫Jeff嘅求職者今日兩點上嚟second in，冇理由記錯吖。
出到去果然有個男仔坐喺度，我問佢見咩工？佢話見Supply Chain Officer。
我r撚晒頭，Supply Chain Officer已經見完一輪，第二輪咪得返今日下晝個Jeff囉！
呢個時候，甘生行出嚟：「係我約佢上嚟見工㗎，趕唔切話你聽。」
咪住先，我係HR，負責請人，眼前呢位求職者係乜水我唔知，份CV我未撚見過，請問係邊度爆出嚟？有冇人可以話我聽發生緊咩事？
甘生叫receptionist拎張form畀個男仔入房填，然後拉我埋一邊講：「呢個男仔係莫生介紹㗎，佢噚日臨放工問我部門係咪請緊Officer，然後話有friend個仔想做，夾硬叫我見一見，其實同焗我請冇分別，同莫生傾完想搵你㗎，但你同你阿姐都走咗，今朝返嚟未趕得切講。」
我：「邊有得夾硬見一見㗎，首先你哋請人skip咗hr，今日下晝個Jeff係second in，上次你見完都話ok，係你叫佢上嚟做test㗎喎！」
甘生：「咁有咩辦法啫？莫生係都要我請佢朋友個仔，我好難做㗎！」
介紹返，莫生係我哋公司膠層，本身好似都係皇親國戚，而我就只係入嚟做咗3個月，有啲人物關係仲未搞得好清楚，總之成件事就係莫生條仆街睇到我哋喺招聘網站出ad，跟住就跳過人事部，直接搵相關部門主管，利用佢嘅權力去插手請人。
我嬲到即刻搵莫生，呢個老屎忽成條軟皮蛇咁，仲大返我轉頭：「請人嘅嘢，你哋人事部只係輔助，你比甘生自己決定啦，佢負責嘅部門，要請咩人佢自己最清楚。」
咁一定係請你朋友個仔啦，你兩個根本傾掂晒數，唔係甘生決定，係你條撚樣霸王硬上弓。
我想同老細講，但老細朝早唔喺度，唔係想同啲膠層作對，而係阿Jeff真係好適合個職位，點都要畀個公平嘅機會人啩！
甘生見完嗰位「被欽點嘅求職者」之後，拎住張form走嚟同我講：「你入房同佢傾下啦，叫佢下星期一返工，人工就照佢填呢個出offer。」
我：「唔得，你點都要見埋Jeff先。」
甘生：「你鍾意啦，不過勸你唔好得罪莫生。」
我拎住張form順便望咗眼：「嘩，未做過㗎喎！Expected salary仲多過下晝個Jeff？」唔係咁撚黑暗呀？
甘生：「又唔係你出錢，公司出錢啫，唔好令我難做啦！」
我唔肯叫莫生朋友個仔下星期返工，死都要甘生完成Jeff個second interview先，一早約好晒，唔通臨時臨急叫人唔好上嚟？
下晝Jeff嚟到之後，我叫佢平常心，盡力表現自己，與此同時老細又返咗嚟，我即刻捉住佢講呢件事，而甘生就入房同Jeff second in，但無論我講咩都好，老細一樣聽唔入耳，佢嘅總結係：「得啦，莫生同我講咗㗎喇，佢朋友個仔冇經驗可以慢慢學。」
我同老細傾咗唔夠5分鐘，甘生亦同時見完jeff，second in 5分鐘？唔係要做test咩？你唔好咁撚求其啦仆街！人哋請假搭車見工都係一個cost嚟㗎！
我順便送Jeff出去搭lift，佢真係好有禮貌，連聲多謝我安排second in，但直言覺得甘生唔想請佢，因為連說好了嘅test都冇。目送Jeff離開，我內心好慚愧，本來呢份工係屬於Jeff，但係就畀個膠層攔途截劫。
同我人事部阿姐傾返件事，阿姐話呢度啲人係咁，之前都發生過幾次，有時啲膠層見到公司喺求職網出job ad就會搵佢，莫生呢種做法亦唔係第一次。
阿姐：「之前請你呢個位，莫生都話有人介紹㗎！我唔制之嘛。」
我：「可以唔制咩？佢咁撚惡。」
阿姐：「點解唔得，係甘生咁撚廢啫，唔夠膽得罪人，公司啲老油條好怕事㗎，賣人情畀高層對佢哋嚟講好閒，好似甘生咁，你咪撚阻住佢等退休啦！所以呢度咪養埋咁多廢人囉，你個位係under我，如果我要莫生啲人，對方做唔到嘢又唔可以鬧，又唔可以炒，到時我就會忙到仆街，我先唔會搵自己笨柒。」
我：「我想問公司係咪有budget用headhunt請人？」
阿姐：「不嬲話有㗎，你唔用之嘛。」
我：「因為我冇乜邊間headhunt信得過，又想幫公司慳budget，不過而家唔會咁撚on9喇，學甘生話齋，又唔係我出錢，公司出錢之嘛，我以後會盡量用headhunt請人，燒撚晒佢啲budget。」
阿姐：「用headhunt有時都好勞氣㗎！」
我：「我知，不過用headhunt有樣嘢好，出job ad唔係出我哋公司名，啲豬西膠層唔會知道我哋請緊人，咁我同你咪唔使畀人煩囉，其實甘生都知道阿Jeff好啲，佢請莫生朋友個仔肯定捉蟲。」
阿姐：「算啦，甘生要死你唔畀佢死咩！你用headhunt都擋唔晒，佢哋仍然可以黑箱作業。」
我：「得，我以後會好狠，總之budget用到盡。」
阿姐：「靜雞雞話你知，公司每年啲budget如果唔用晒，老細下年就會覺得你唔需要咁多，到時就會cut budget，有一年我用剩10幾萬，當時我請倉務都用headhunt，洗撚同佢地慳咩，慳咗又唔會加落我份糧度。」
正解！甘生教落，唔係我出錢，老細又戇鳩鳩，以後唔使自己出招聘廣告真係爽，我翹埋雙手等headhunt服侍，年年同你燒晒啲budget！
=====
💻🛠️ IT人搵唔到工 最後走去做五金舖
《失業超過一年嘅人，心路歷程究竟係點》
https://hkofficedaily.com/?p=4497