朋友喺求職網站搵到份工想apply，佢send條link過嚟問我有冇接觸過呢間公司？我答有，因為佢哋曾經係我個客，雖然最後冇做到佢生意。
朋友追問好唔好做？易唔易請？我話唔知道，因為當年佢哋老細想請人，嗰個position嘅budget係14000蚊，我畀咗3份CV過去，跟住佢打我直線，對話如下：
「全部都係90後嚟嘅，90後做唔長㗎喎！」
我：「咁你會唔會加返啲budget？可以請80後吖。」
「80後嗰啲成副心機都係結婚生仔買樓，唔會同你搏㗎喇，叫佢OT都難呀，呢班人又好鍾意中年先嚟進修，放工趕頭趕命話要返學。」
我：「咁70後囉，乜都定晒格啦！」
「70後做咗咁多年嘢好難教，人工又貴，我寧願請幾多個萬零蚊嘅白紙返嚟，聽教聽話。」
我：「咁即係……」
「有冇多幾份CV呀？80後都可以send嚟睇睇，唔一定14000嘅，睇經驗囉，我最盡可以畀到15000。」
不如等我嚟個總結啦，即係要70後、80後嘅經驗，但係收90後嘅人工，好樂意OT，冇家室，可以進修但最好揀星期六日先返學，我同個朋友講：「如果你滿足到以上條件咪試試囉，反正你都係80後，high chance！」
呀，但係人工最好唔超過15000啦。