可能你哋都已經聽講過，喺日本便利店買咖啡，一定揀7仔。
某次喺東京，有個日本朋友話想去便利店買杯咖啡，眼前就係Lawson，不過佢係都要去7仔買，我問點解？佢話7仔咖啡最抵，啲咖啡豆exactly係Starbucks嗰啲，所以只係100yen左右好超值。
起初不以為意，後來聽多幾個日本人講，佢哋都異口同聲話係，搞搞下我就開始「分流」，雞扒幫襯Lawson，甜品好似Cream Cake嗰啲就揀Family Mart，飲咖啡自自然然去7仔。
今次喺長崎，見到7仔有隻新咖啡叫「青の贅沢」，吹到酸度同苦味之間有極高平衡，嘩，呢啲嘢你同陳豪講啦！不過連埋稅10蚊港紙都唔使，用坦桑尼亞咖啡豆，個杯嘅壓紋仲要鬼死咁靚，試下又真係無妨既。