剩女之我見─情侶座

有個叔叔追咗我阿姨好多年,係親阿姨,不過都係追唔到,而最近佢先知我做speed dating,終於搵我求救。

我:「諗通咗冇行咪好囉,以你嘅經濟能力呢,唔好join嗰啲群體活動喇,直接一對一嘅尊貴plan啦!」

「我唔係想玩呢啲呀,想問下你阿姨係咪有鍾意嘅人,抑或一直都拍緊拖?」

我:「據我所知就真係冇喎,都咁多年啦,不如你考慮下其他對象,後生啲都得喎,我公司有好多女member講明想搵個大10年以上,你人生仲未絕望㗎!」

「後生女唔啱我哩,吖,你咁有經驗,覺唔覺得呢,剩女……呀,唔係,即係中女啦,好似你阿姨呢種,年紀唔細又冇拍拖嗰啲,其實仲難追過後生女。」

我:「講樣嘢畀你知,佢唔係而家先難追,聽講後生嗰陣已經係。」

我做咗呢行之後先發現,好多所謂嘅中女或者剩女,係因為後生嗰陣好難追,所以先會剩落嚟,而唔係因為剩咗落嚟,然後先變得難追。

我阿姨就係嗰種寧願一個人,都唔會為拍拖而拍拖,唔會為結婚而結婚嘅人。

有人話中女剩女好多都變態㗎!唓!結咗婚有仔女不過心理變態嘅都大把啦!所以變唔變態,係關個人本身嘅性格事,唔一定關佢嘅感情狀況事。

個人觀察,不喜勿插🙏🏻

error: