我有個女仔friend之前喺交友app識人，聽佢講第一次出嚟嗰陣，個男仔係正正常常，點知第二次出街就叫佢去維記開房。
女仔friend問：「點解？第二次見面咋喎！」
個男仔答：「遲早都會做啦，點解唔做咗先？」
女仔friend回佢：「你遲早都會死㗎啦！點解而家唔死咗先？」
然後飯都未食完就起身走，我覺得佢做得好好，當對方唔尊重你，其實又使乜畀面喎！
