電話響起～
我：「你好，乜乜診所」
對方係一位女士：「你whatsapp係咩呀？」
我：「你係咪打錯電話？我哋係乜乜診所呀」
佢：「我係問緊你呀，冇打錯呀」
我：「我哋冇whatsapp，你有唔舒服嘅就要直接嚟睇醫生」
佢：「send定啲相俾你唔得咩？」
我：「到時嚟睇醫生直接俾醫生睇就可以啦」
佢：「我做唔出當場俾醫生睇喎」
我：「你可以拎你電話啲相出嚟俾醫生睇睇嘅」
佢：「即係當場俾醫生睇囉」
我：「…相咋喎？」
佢：「都係要我當場開俾醫生睇呀，所以我先想whatsapp俾你哋咋嘛」
我諗唔到有咩分別。
佢再講：「你哋冇一個人有whatsapp咩？」
唔想俾你啫。
我：「公司電話冇呢啲」
佢：「我教你」
唔好啦。
佢再講：「你行去百X買張電話卡，幾十蚊咋，你買咗之後裝個whatsapp，send個短訊去XXXX-XXXX話我知呀」
我：「唔好意思呀小姐，我哋唔會咁做呀」
佢好大聲：「我俾幾百蚊你哋，你哋連幾十蚊都唔肯駛喺我度呀？有冇咁過份呀？幾十蚊咋喎！幾十蚊咋喎！你食個飯都要啦！你俾幾十蚊方便多啲病人咪多啲客多啲生意囉！」
開咗個頭，就會做鬼死我呀…你估我唔知你哋想點咩～閒時就send相嚟問診，已讀不回又投訴，覆你嚟睇醫生又投訴。仲有，我重申！唔俾錢白問嘅人都唔係『客』。
我：「真係唔好意思小姐，我哋暫時未有呢啲服務，你有需要都係親自嚟睇醫生啦」
嘟。
佢cut咗我線。
實在太好啦！
=
👉🏻即睇其他診所低能奇觀嘅文章
💩《診所低能奇觀》 問問屎片
https://hkofficedaily.com/?p=17188
我叫珍寶豬，係一個診所助護，只係一個無能無專業資格無牌照的大嬸。做過晒港九新界中西醫診所，見盡低能白痴暴力感動可悲可笑之人生百態。亦歡迎各在職離職姑娘護士醫生分享診所醫院內的奇趣事窩心事爆笑事，但請勿公開任何病人個人資料或病人相片。看此PAGE時請勿對號入座，信則有，不信則無。