有日一位先生嚟到診所。
佢行埋嚟登記處：「阿女士呀」
嗌我嗎？嗌我做女士又幾有新鮮感喎。
我：「係咪睇醫生？你俾身分證我登記先呀」
佢：「有啲嘢想搵醫生幫手」
即係睇醫生啦？
我：「都係要睇醫生先嘅，你俾身分證我登記呀」
佢拎出幾樽嘢，就好似平時嘅針藥咁，但玻璃樽仔上冇任何藥物標籤。
佢：「我想搵醫生幫我打呢啲」
我：「醫生唔幫人打自己帶嚟嘅嘢呀」
佢：「我唔識自己打呀」
我：「真係唔好意思先生，呢啲我哋醫生幫你唔到，或者你有咩唔舒服可以同醫生講呀，醫生都可以開藥俾你，但係你呢啲就一定唔會幫你打㗎啦」
佢：「我自己揸住枝針，佢幫我拮落去得唔得呀？」
我：「唔好意思真係唔得」
佢：「我自己揸住枝針喎，佢唔覺意咁輕輕推一推唔覺意入咗得唔得呀？」
你平時咁易俾人唔覺意入咗嘅咩？好好保護自己好喎。
我：「真係唔得呀先生」
佢：「我會俾診金㗎」
入得嚟見醫生就個個都要俾㗎啦，你特別唔駛俾㗎？
我：「唔係診金問題，係我哋醫生真係唔會幫病人打自己帶嚟嘅藥，仲要你啲藥咩標籤都冇，係不知名藥物呀」
佢：「我上網買㗎，話係嗰啲嚟㗎」
我實知嗰啲係代表咩啦~
我：「我唔知嗰啲係咩呀」
佢低頭望下面方向：「嗰啲呀」
我：「先生，總之醫生唔會幫你打嘅，或者你去搵吓有冇其他醫生幫到你啦」
佢：「輕輕推一下呀？我知入邊個位就得㗎啦」
我冇出聲冇理佢。
佢：「唔駛入晒，推落塊皮入面得㗎啦，我自己推入啲」
唔理佢。
佢望住我冇出聲。
佢自己企咗陣再講：「求個契弟插我都咁難㗎咩？都話肯俾錢囉」
我擰擰頭，佢嬲到衝出診所。
嘢真係唔可以亂插㗎～
==
👉🏻即睇其他診所低能奇觀嘅文章
👉🏻《診所低能奇觀》「請問激烈啲…係咪易啲有BB？」
https://hkofficedaily.com/?p=15178
我叫珍寶豬，係一個診所助護，只係一個無能無專業資格無牌照的大嬸。做過晒港九新界中西醫診所，見盡低能白痴暴力感動可悲可笑之人生百態。亦歡迎各在職離職姑娘護士醫生分享診所醫院內的奇趣事窩心事爆笑事，但請勿公開任何病人個人資料或病人相片。看此PAGE時請勿對號入座，信則有，不信則無。