返工途中，例牌喺巴士上面聽住歌補眠，忽然聽到有人鬧交，須知道我已經戴住耳機，咁都可以令到我擘大眼睇下發生咩事，可想而知係幾嘈，當時坐喺巴士上層接近最後排，鬧交嘅位置就係上層中間，望清楚先知道個「主角」係我公司同事。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
詳細啲講下先，呢位同事唔算熟，我喺公司做咗年半，同佢嘅交流都係say hi同say bye，一來大家唔同部門，二來工作上唔需要直接交涉，就算去廁所撞見都只會點下頭，印象中搭呢架巴士都有見過佢，但次數係10隻手指數得晒，我總站上車，佢就唔知喇，而且男人老狗都唔會約埋一齊坐一齊返工。
咁呢位同事做咩同人嘈呢？從佢哋夾雜住大量粗口嘅對話聽得出，係我同事搭巴士嘅時候瞓覺，全程不斷「釣魚」，期間多次挨到坐佢隔籬個男人，因而就掀起呢場上班時段嘅爭執，好在同事隔籬嗰個唔係女仔咋，否則人哋要話你非禮都有排拗。
「DLLM忍咗你成程車，要瞓返屋企瞓啦柒頭！」
同事：「我同你講咗唔好意思啦，你洗唔洗一手打落嚟呀！你而家打到我眼鏡變形，賠錢吖！DLLM呀！」
「我冇打到你眼鏡變形，係你自己跌咗眼鏡落地啫，唔好入我數，做乜L嘢呀？呃錢呀？」
同事：「呃咩錢呀？賠錢啦DLLM！你郁手先㗎！」
「打你咪打囉做咩呀？食屎啦DLLM！」
Ok！大約知道發生咩事，其實返工時間坐車「釣魚」，騷擾到旁邊嘅人真係經常發生，不過撞正今次我識得其中一個「主角」。
你咪睇佢哋互片嘅對話好無聊同埋冇內容，我同事同個男人就係咁樣鬧交鬧足10分鐘，成個巴士上層只有一兩個人開聲叫佢哋唔好嘈，其餘都係食花生，我仲見到有人拍片，因為佢哋已經鬧鬧下又好似葉問玩詠春咁推手，作勢一直想打交，又一直都打唔成。
而喺呢個咁緊張嘅時刻，我竟然聽到以下幾句爆笑對話。
「DLLM呀！咁L鍾意瞓，搭的士啦！」
同事：「你屌我老母，我屌你老婆！」
「我未結婚喎，我冇老婆，你屌空氣啦！」
見到有幾個乘客同我一樣笑咗。
卒之佢哋呢場粗口同推手大戰要加時，由10分鐘鬧到20分鐘，期間坐低過，突然又企返起身再鬧再推手，司機應該聽到，但可能唔想停車唔想理，總之要快快脆脆埋站，好在咋，如果停車報警就真係多得佢哋唔少。
結果順利到站落車，其實我唔想相認，不過一架巴士有幾大吖，我想避都避唔到，只可以急步離開，但呢位同事竟然喺行返公司條路衝上前拍我，早晨唔講，招呼唔打，劈頭就問：「頭先係喺架車度㗎？」
咁都見到啦，唔通話冇咩……
我：「係呀，我坐後面。」
同事：「咁你唔幫拖？」
我：「點幫拖呀？你又唔係同佢打交，你哋都係互屌之嘛！」
同事：「咁你都幫口屌吖！得我一個人。」
我：「點幫口屌呀？架巴士行緊，我喺後排衝出嚟你同兩個屌佢一個咁呀？」
同事：「屌，你冷眼旁觀喎！搞L錯！」佢無啦啦躁埋我，話完我搞L錯就一個箭步自己行返公司先，hello，你嬲我呀？
件事仲有下文，我都未同人講佢喺巴士同人嘈交，呢位同事竟然周圍唱我……
因為有其他人話我知，呢位同事覺得我好冇義氣，見到識嘅人同街外人有爭執都唔幫手，仲要坐喺度食花生喎！
大佬呀！首先你唔係完全冇錯，你坐車「釣魚」撞到人，坐你隔籬嗰個真係好唔舒服㗎！再者我真係補眠緊嘅時候先知道你哋嘈緊，我點知過程中仲有冇發生其他事？你屌完人老母又屌人老婆，好在人哋未結婚啫，咁你唔通又覺得自己100%啱晒？
同埋你周圍同人講我冇義氣唔幫拖，請問你期望我點幫呢？喺後排衝出嚟幫你打柒個男人？你又唔係郁手，你推手咋喎！
定係呢位同事期望我出嚟幫口，兩個人兩張嘴，一齊鬧臭個男人？喂！幾廿歲啦，係咪要大庭廣眾咁樣嘈呀？而家呢個年代，你朝早嘈完，轉頭周圍都有group share，起埋底都仲得呀！
如果係女仔被非禮，係唔係同事都好，我肯定會出聲幫手，但你唔係吖嘛！我同你又唔熟，點幫呀？真心想問下，如果同一情況發生喺大家身上，你哋又會點做？(完）
不問學歷 無須經驗 免費睇波 人工8000
https://youtu.be/15mCL4_TaBc