有個舊同事搵我，問有冇工介紹畀佢個friend，我話呢一刻真係冇喎，不過可以幫手留意下。
我：「佢做開咩？」
「普通文員咋，求其一份文職都得。」
我：「咁搵開幾多？」
「5萬。」
我：「5萬蚊文員？好senior？」
「唔係呀，26歲咋。」
我：「佢幾錢人工話？」
「5萬。」
我：「佢幾歲話？」
「都話26歲。」
原來，我舊同事嗰位朋友係畀老細包養咗一年，啲錢錢$$直接出落份糧度，公司可以當支出扣埋稅。
我：「我真係搵唔返呢啲工畀你朋友。」
「唔使㗎！其實係老細個老婆發現咗，而家嘈到拆天，佢冇得再做落去，明㗎喇，普通文職都得，佢都明唔會有5萬，會唔會有啲2萬幾？2萬頭都得喎，幾靚女㗎！」
你哋知道嗎？做過headhunt或者做緊headhunt嘅人，經常會有身邊朋友或者姨媽姑姐托我幫呢個嗰個搵工，正正經經搵工其實係冇咩所謂，但通常係有好特別要求或者異想天開嘅情節，有時聽完真係得啖笑，不過唔知點解，聽完呢單26歲有5萬人工嘅case之後，我忽然覺得自己旗下兩位員工真係好低薪，然後我打咗畀個男同事分享呢單嘢，你估下佢點答？
男同事：「唔使自責喎，你出手唔低啦，我又唔使畀個屎忽窿你X。」
又係喎，我而家個心舒服返，平衡返啲喇。
後記：我本身想呢個post齋文字冇圖，阿男同事話不如配張菊花啦，我話好喎，然後search完之後冇一張啱心水，佢提議：「影我嗰個囉！」
😂😂😂我都係用返網上圖片算喇。