「最能反映女人品味的,是她愛上一個甚甚麼樣的男子。」

天下間嘅小三,總以為自己搶完人哋老公或者男朋友之後,就等如做咗人生贏家,其實佢哋並唔知道自己先至係輸得最慘,因為佢哋搶返嚟嘅男人,都係嗰種冇忠誠度,被賓周支配大腦嘅廢物。

我有個女同事結婚,佢同前男友有好多common friend,所以婚訊極速流竄,呢個時候前男友就不斷搵返我同事想重修舊好,但係咁講都唔係幾啱,因為過去幾年,佢前男友都係斷斷續續係咁搵佢。

當初佢哋點解會分手呢?全因前男友不斷偷食,拍拖兩三年間都斷正四五次,失望透頂之下,我個同事終於痛定思痛決絕分開,之後佢唔止不斷收到前男友箍煲嘅msg,仲收到其中一個小三嘅msg滋擾---係一個大陸女人。

呢位小三次次send嘢嚟都係殘體字,間唔時仲會send啲名牌手袋嘅相向我同事示威,主要係想表達佢前男友買好多包包送畀佢。

我同事block過呢個大陸女人嘅電話同whatsapp好幾次,但係每隔一排,嗰條友又會再轉一個電話number再send嘢嚟,真係不勝其煩,而其實與此同時,我個女同事已經開始咗另一段新戀情,個男仔仲對佢好好,凡事有交帶,會陪伴佢,會同佢傾計,唔會搞三搞四,而家拍咗兩年幾拖之後,終於有情人終成眷屬,嚟緊三月就會步入教堂行禮喇。

佢前男友得悉婚訊之後,好似顛咗咁不斷煩我同事,個大陸女人應該有check條仔嘅電話,同時亦有send msg嚟滋擾,直至上周仲係send緊一幅名牌包包嘅相嚟,加咗句咁嘅嘢:「我知道他仍有找你,不过我想你知道,他只爱我一个,刚刚他又送了一个香奈儿给我​​,这个包的价值,应该是他以往送你所有礼物的总和吧。」

我同事回佢:「你唔好再搵我啦,佢以前送嘅所有嘢,我一早寄返晒畀佢,唔稀罕,亦唔想再同你兩個撚屌扯上關係,我對呢個賤男冇興趣,執到都喊三聲,警告你唔好再煩我,都咁多年啦,你兩個不如死返大陸啦!」

大陸女人又真係回:「你寄回来的东西我都给丢了,没有品味。」

我同事:「最能反映女人品味的,不是她的衣著,愛好,也不是她的車,看的書,家裡的裝飾,而是她愛上一個甚麼樣的男人,你好自為之。」

同事遞個電話畀我睇嘅時候,我話講完呢一句就block埋個大陸女人,真心好爽皮,點知同事話佢冇block,個大陸女人唔知係咪激到爆血管,冇再send嘢嚟喇,撳個封鎖掣都慳返。

我以為同事點解忽然咁好文采,明明上一句先稱呼人做撚屌,下一句就出口成詩,原來佢話呢番說話係睇張小嫻嘅書見到,雖然我冇睇過,但真係覺得好有道理。

error: