有個客2018年嘅年頭問過我間headhunt公司報價，不過最終冇幫襯，最近佢話要請人，又打嚟問我哋個收費有冇變？
我：「有呀，每個tier都加咗2%喇。」
客：「又加？」
我：「咩呀？你上次quote價已經係2018年1月喇喎，而家都2019年10月啦，隔咗接近兩年，加咗價都好正常啫。」
客：「其實請人都係咁請㗎啫，點解你哋年年都加價？可唔可以畀個原因我？」
我：「港鐵呢幾年成日壞都好意思加價啦，要原因㗎咩？嗱，我打個比喻，no offence，你今年人工係咪同兩年前一樣吖？你啲嘢都係咁做啫！」
佢畀我激到跳晒掣，然後搵咗個再高級啲嘅人打嚟問同一條問題，傻豬嚟㗎，你搵邊個打嚟都一樣啦！有啲客好過癮㗎，佢自己份糧可以加，但係人哋公司就只可以收舊價，求職者亦唔可以嗌高過上一份工嘅價，究竟呢種係乜嘢心態同標準？
每次激到呢種西人紮紮跳嗰陣，我都會好好檢討同埋反省自己，因為要make sure下次一樣可以激到佢哋爆血管。