我今日home office，撞正女友又home office，結果佢嚟咗我屋企home office，不過呢條女都唔係撈，成個下晝喺度玩埋啲 心理測驗 。
女友：「呢個心理測驗係講男人偷食先兆，好多人都話準。」
其實好多所謂心理測驗，set題根本冇技巧同亂咁嚟，你洞悉到佢啲keyword想帶你行咩方向，基本上已經可以避開地雷，我都唔明啲女人點解會信。
我：「有幾準呀？我試下用男友身份答，睇下係咪同你個結果一樣吖。」
女友：「好，第一條，男友／老公 最近有冇突然送嘢畀你？特別係貴重禮物例如首飾之類。」
我：「冇啦！心虛做錯嘢先會買呢啲。」
女友：「第二條，男友／老公 最近有冇多咗讚美你，例如讚個樣靚咗、煮餸好食咗、比之前善解人意之類…..」
我：「你都知冇啦！我份人好真，唔會咁虛偽。」
女友：「第三條，男友／老公 最近有冇成日打電話畀你，好關心你行蹤，要知道你返咗屋企先安樂。」
我：「痴線！太刻意喇！呢幾晚咁凍，我有時唔小心瞓咗直情冇call你。」
女友：「個心理測驗結果係，如果 男友／老公 以上三條嘅答案都係『冇』，代表佢其實唔係好愛你，雙方感情愈嚟愈淡，男方偷食機會好大。」
……
上一篇兩性文章：為避老婆 WFH都堅持返工?！