因為工作上嘅拗撬，老細話炒我，不過要我自己辭職，佢係咁樣表達：
「我哋合作唔到，你自己遞信，可以即走。」
雖然好嬲，但唔好當我傻仔：「我唔會自己遞信，你可以畀一個月代通知金炒我。」
老細：「賠一個月好閒，但你封reference letter會寫住被解僱，你自己諗！」
我完全冇猶疑：「諗完，賠錢！」
老細：「寫衰咗，搵唔到工唔好怪我。」
我：「有分數啦！」
老細：「你唔使搵工呀？」
我：「賠錢！」
結果咪又係賠一個月代通知金炒我！
我人工3萬幾，你張爛紙絕對唔值3萬幾囉！如果下一份工要做reference check，到時人哋真係打嚟問，你點都會唱衰我㗎啦！
有件事我冇同老細講，就係公司超過一半嘅客都支持我自己創業，雖然我未必會，但拎住呢班客底去轉工，應該唔愁冇飯開。