之前喺舊公司resign，email畀人事部嘅同時，我亦print咗張hard copy畀阿姐，點知佢唔肯收……
阿姐：「我唔收呀！踢晒腳嘅時候你走嚟辭職？之後啲嘢邊個跟呀？」
禮物咩，唔收？我send咗畀人事部啦！
我：「我搵到新工喇，下個月返，你睇下我應該pass啲嘢畀邊個同事啦！」
阿姐：「我唔理呀，我唔批呀！你諗清楚先啦！」
隔咗幾日阿姐又捉我入房講經，情緒勒索咩都出齊，我重申已經正式遞咗信畀人事部，有晒日期，阿姐依然重重複複話：「唔批！」跟住仲學人玩冷暴力，唔同我講嘢，唔叫我開會，仲好！我又唔係小學生唔怕你玩杯葛。
去到last day，check咗銀行有出糧，因為我公司係每個月最後一日出糧，做完嘢同同事簡單道別，私人物品我一早撤走晒，當日咁啱阿姐全日出去做嘢，正，唔使聽佢廢噏。
點知第二日阿姐打畀我：「喂你請病假定係點㗎？Sick leave都要打返嚟㗎，我當你曠工喇喎！」
我：「曠咩工呀？我辭咗職喇！」
阿姐：「我冇批過喎！」
我：「你同人事部夾返，睇下我封辭職信嘅日期啦！」
阿姐：「總之我冇批過！」
當時我係無縫接軌，已經返緊新工，費事畀佢影響心情，直接就cut線，佢都精神病！我唔係攞假呀，辭職唔使你批㗎！