讀者投稿：YUU夠未呀！
我冇稿投，只係想問下你平時接咁多廣告，係咪識好多Marketing？識唔識YUU Marketing？可唔可以幫手轉達我哋惠康員工嘅心聲？真係聽到頹聽到火滾聽到心情煩躁！
我夜晚攤落張床個腦仲loop緊「YUU 去食野攞YUU獎賞雙夾快」，唔係幻愛呀！係幻聽呀！仆街呢啲又唔可以claim工傷，又唔知點樣同高層反映。
隻歌有一段係林子祥係咁wow wow wow wow，我有個同事唔知係咪受咗刺激，有次執緊凍櫃啲公仔點心時好大聲wow wow wow，係冇表情嗰隻，好嬲咁wow wow wow！有幾個師奶嚇親，我哋班同事都嚇親，再播落去真係搞出人命㗎喇！
幫幫手叫佢哋唔好再咁樣播啦好冇！就算你係客都反感啦！