讀者投稿:Sogo專櫃

其實我覺得冇請錯人,雖然我唔知佢係誠實定搞氣氛,但一間舖頭有呢類員工應該幾開心。

==============

讀者投稿:Sogo有專櫃

某化妝品牌子,我負責請front line sales,每個求職者上到嚟interview都要先填form,跟住仲有一張問題紙要作答,其實得3條問題左右,都係圍繞美容,會比大約半個鐘佢哋答,主要係考下求職者熟唔熟悉我哋嘅product,講得出乜嘢情況之下用邊隻product最適合就會加分。

其中一條係問「點樣可以令到皮膚白啲同埋滑啲,影相時更加上鏡?」你知唔知佢答乜?

佢填咗:「Photoshop或者美圖秀秀。」

我問佢係搞笑定係認真,佢笑笑口話:「下?我認真㗎。」最後我都有請佢,因為除咗呢個答案之外,佢成個interview都表現得唔錯,加上有間舖個女同事因為大咗肚而辭職,之前見咗幾個求職者都唔得,真係好趕住要人,好在我公司要上完training先可以落舖。

error: