「嘩！你同事唔係普通靚仔，係好靚仔喎！原地出道入娛樂圈都得啦，使咩喺你公司打工呀？」呢個係我第一次帶靚仔新同事去client visit之後，個客私下打畀我講嘅說話，咁究竟呢位同事有幾靚仔呢？我個人認為佢好似韓國男星車銀優，仲要身高190，的確好sharp！
問心當日請佢都係貪佢靚仔，因為呢個position只係Junior Sales，幾個求職者嘅學歷都差唔多，大家又冇乜Sales經驗，既然冇人有特別優勢，咁我揀個睇落舒服，講嘢又正正常常嘅高大靚仔好合理啫！利申我係男人，有老婆嘅，千祈唔好誤會我係女人。
我係男人唔過電，但其他department嘅女同事就相繼被電暈，就講下HR個閪女人先吖！呢條八婆平時閪口閪面，問佢乜嘢都好唔願答，態度又仆街，嗰次叫佢出招聘廣告請人都閪我面㗎！話我嘥公司budget，又話我條team啲人做唔長乜乜柒柒，其實佢嘈咩啫？公司如果唔需要請人，你都少好多嘢做，可以炒得啦！
呢位HR嗰次同靚仔in第一round（事前我唔知個靚仔咩樣，因為CV冇相），然後個HR就衝埋嚟我個位講：「Jimmy，呢個人你一定要見呀！超晒班！你而家得唔得閒見埋？費事要人請多日假嚟second in啦！」非親非故咁L體貼？平時你壞事做盡㗎喎，好！就睇下個求職者有幾超班！
一入房見到個男仔，得！唔使講嘢，明白晒！成個車銀優咁款，唔怪得頭先HR咁反常啦！Education background同埋working experience呢兩part冇特別，但外型就的確鶴立雞群，再公平啲講，除咗靚仔，佢談吐方面亦好謙虛同誠懇，就算佢生得普通我都會請㗎喇，講嘢令人舒服吖嘛，做Sales有呢種特質已經贏咗一半，何況有埋顏值。
臨尾in完大家起身行出房，Wow！仲要夠高，我拍埋去都矮半個頭，真係做model都得，即刻出offer啦！如果佢勤勤力力，肯定係Sales Department嘅明日之星，至怕咁好條件嘅人係嚟騎牛搵馬，一陣做做下又辭職啫！
靚仔正式返工之後，班女同事就開始現型喇，青春少艾有幾分姿色嗰啲唔同你計，大家差唔多年紀，互有好感都好正常，但有幾個冇照鏡嘅妖孳同坦克日日行埋嚟呃計傾，企喺靚仔隔籬講心事唔肯走，呢樣我就唔明喇，班坦克唔係以為自己有機會呀？
其中一個Shipping阿姐成50幾歲，係，雖然佢未有老公，不過都唔好咁過份吖，佢夠膽死約靚仔收工去睇戲……你生得人哋出㗎喇！你最大優勢係停咗經㗎咋！呢個Shipping阿姐平時度貨期一定搞搞震，好似存心害我啲嘢走唔切船咁，靚仔嚟咗之後就唔同晒，下下開綠燈，個期幾急都會幫我哋諗掂。
所以後來我諗通咗，自從請咗靚仔坐鎮之後，唔止工作順利好多，托靚仔嘅鴻福，我連人緣都好埋，更加「豐衣足食」！每一日，係每一日，班女同事都會請靚仔飲咖啡，食零食，咖啡我就share唔到佢嗰杯，不過海量嘅零食都有我份，頭先講嗰個Shipping阿姐試過兩次走嚟話請食下午茶，佢當然淨係想請靚仔啦，只係做場show請埋Sales Team其他幾個人，包括我啫！話知你，有人畀錢我一定嗌。
人緣又點解好咗呢？因為多咗好多活動呀！一向唔交流嗰啲女同事會跟埋我哋team食lunch，又會約放工飲嘢，嘩！你唔知真係以為我哋Sales Team係康樂小組，老細就嚟要頒個最受歡迎組合獎畀我哋部門。
唯獨有一次我因為個靚仔下屬而遇到煩惱，某日我條team另一個同事請病假，但佢理應係要親手拎sample畀個客confirm細節，當日個個做到踢晒腳，靚仔又未有咁多客跟，咁我咪叫靚仔代個同事拎sample畀client囉！結果個客之後打畀我，指定個account以後要由靚仔跟。
梗係唔得啦！搶同事單係Sales大忌，仲要個客張單唔係大，如果靚仔同請病假嗰位同事關係有裂痕，咁就真係唔抵喇！你知唔知個客喺電話度同我講咩？
佢用一把好嬌嗲嘅聲向我作出請求：「唔得呀！我唔理呀，我要Bowie以後跟我啲job呀！我唔理呀！」Bowie即係靚仔同事。
我心諗～～小姐，你搞清楚先，呢度唔係鴨店喎，同事唔係男公關任你揀㗎！要唔要開支酒先？
當然啦，呢啲內心獨白我冇講出口，只係安慰返個客：「你唔好令Bowie難做啦！搶咗同事張單，一陣人哋有hard feeling，Bowie日日返工點面對呀？你都唔想佢同同事之間有芥蒂㗎嘛，啱唔啱先？」
聽完之後，呢個客就冷靜咗喇！
知道咗請靚仔有咁多著數之後，我決定將來會盡量請靚仔靚女，社會就係咁現實，但首先我希望Bowie會做得長啦！而家咁多女同事錫佢同關心佢，我相信Bowie都做得開心嘅！（完）