第一次見家長─情侶座

噚日父親節,第一次見女朋友屋企人,佢家姐都有帶埋男朋友出嚟。

世伯講笑咁指住伯母話:「佢呀,晚晚磨牙,搞到我冇覺好瞓。」

然後世伯望住家姐問:「你男朋友仔有冇磨牙㗎?」

家姐答得好快:「佢冇㗎!」

世伯再問佢細女,即係我女朋友:「你男朋友仔呢?」

我女友答:「鬼知咩!」

世伯笑一笑又望返家姐:「哦,即係你哋已經一齊瞓。」

我喺枱底用右手捉住女朋友隻左手,女朋友再用右手拍一拍我哋互相捉緊嗰對手,雖然彼此冇講嘢亦冇對望,但我知女友係表達緊:「定啲嚟,我冇家姐咁蠢。」

error: