細佬今日註冊結婚，準備離開酒店去區役所嘅時候，我問佢就快做人老公，而家心情如何？
佢答我：「就好似要喺手機個song list度delete晒所有歌，以後只可以重複咁聽一首歌。」
好在佢老婆唔識睇中文，不過佢都係講笑啫。
其實感情嘅世界真係冇formula，有啲人識咗一日已經可以拍拖，一個月就可以閃婚，又有啲人互相鍾意咗好多年都冇喺埋一齊，人生就係咁得意，遇到錯嘅人做咩都係錯，遇到啱嘅人就點都係啱。我一直睇住細佬拍拖、失戀、拍拖、失戀，今次佢終於搵到啱嘅人，仲爬我頭成家立室，祝佢新婚快樂，生活美滿，快啲生個混血B畀我玩下。