阿媽問我呢排自己煮咩食？咁啱噚日冇出街，就地取材有乜煮乜，雪櫃有燒賣同埋小白菜（人哋好似用小棠菜，不過我冇，又唔想落去買），順手炒埋一碟，阿媽問起就send畀佢睇啦！
阿媽：「乜咁搞呀？」
「食得㗎，送飯ok！」
然後阿媽不斷勸我搵一個識煮飯嘅女仔拍拖，我覺得好煩囉！勸我做咩啫？去勸嗰啲識煮飯嘅女仔吖嘛！我實肯㗎！係識煮飯嘅女仔唔肯同我一齊之嘛，所以你勸我係冇用㗎喎！
