早幾日咪有單製衣公司傳出男女呻吟聲嘅短片嘅，呢單嘢勾起我一段回憶，因為上一間公司都遇過。
當時公司喺觀塘，舊式工廈，啲電梯係要拉鐵閘嗰隻，嗰晚放工約咗friend喺興業街食飯，食完諗住搭巴士走㗎喇，但係搵極都搵唔到個earphone，我係搭車冇得聽歌會死嗰種人，加上唔肯定漏低喺office定係跌咗，愈諗愈唔放心，見咁近就返去睇睇啦！
間office喺走廊尾，行到一半多啲已經聽到有人叫，但唔清楚叫乜春，我放慢腳步行到去office門口，原來真係叫緊春。
冇製衣公司段片咁大聲，但都聽得好清楚係搞嘢呻吟聲，裡面仲播緊英文歌，幾浪漫喎衰鬼。
曾經諗過有同事喺office睇AV，不過聽真啲，啲呻吟聲係夾雜廣東話，唔係日文。
製衣公司條片就聽到把女仔聲講：「好頂呀！好頂呀！」我當日就聽到個女仔講：「未夠呀！多一陣先啦！」、「唔好射落肚呀，冇得沖涼，你戴返先啦！」
仲有啲更露骨，不過驚段稿唔出得街。
點解咁記得當日聽到啲乜？換轉係你親身經歷，我肯定你都會記得，我自己喺門口都聽到扯扯哋。
至於點解冇好似製衣公司條片咁樣錄音，我解釋唔到，始終冇諗過返去拎earphone會聽到呢啲嘢，然後心情好忐忑，加上好奇，又有少少驚（雖然我冇做錯事，但係太震撼都有啲驚㗎嘛），而且我唔知道裡面係邊位男同事同女同事做運動，把女仔聲好陌生，個男人又好似啞咗咁，除咗「呀！」幾下，都冇聽過佢講嘢。
隨住叫聲頻率轉變，加埋開始靜返，我幾肯定佢哋已經完事，所以我即刻走，不過……去咗樓下「埋伏」🤣
公司樓下好適合「埋伏」，嗰度有得買燒賣魚蛋，有7仔，有茶記，一邊係十字路口變壓站，一邊係行出大馬路好多巴士站，仲有個天橋底好多人食煙同食魚蛋，雖然夜咗，但未致於好少人，行埋去啲煙民附近就完美隱身，何況棟工廠大廈得一個正常出口😎
等咗唔夠10分鐘，Target終於出現喇，係我隔離位個同事，條女唔係公司嘅人，我估係佢女朋友，算啦！得個知字就算，無謂令人難堪啦！
第二日返到office，我見到自己張枱有條攣嘅毛，係攣嘅毛呀！！！！！！我本能睥住個同事，再講咗句屌你呀！佢問我做咩屌佢？我話屌你咪屌你囉！
呢單嘢我冇同公司任何人講，淨係同自己出面啲friend講，我到而家都唔知條女係咪佢女朋友，是但啦！
喺office搞嘢開心啲咩？同埋搞還搞吖，喺自己張枱搞吖嘛！雖然我唔肯定條攣嘅毛係咪屬於佢，是但啦！
投稿讀者：西門