同媽咪食母親節飯，因為我幫佢訂閱咗蘋果日報，見佢無論時事，財經，仲有娛樂新聞都搭到嘴，只係記明星名比較濕滯啲……
我媽咪曾經有撈亂阮經天，楊天經，同埋楊天命3個人名嘅前科，估唔到今次佢仲幫人改埋英文名。
媽咪：「楊冪個手袋幾肉酸呀！整自己個名落去咁老土。」
「嗰個唔係楊冪呀，楊冪係劉愷威之前個老婆，手袋嗰個係楊穎，黃曉明老婆呀。」
媽咪：「咩呀？黃曉明老婆唔係叫Hello Kitty咩？」
