投稿讀者:Jackson

本來投稿去信箱,我就預期係一個完整故事,但係呢類經歷我又真係冇遇過,既然Jackson唔介意同大家分享,就不如聽下其他讀者意見啦!由於已經刊登咗出嚟,所以稿費都係會繼續發放🤗

投稿讀者:Jackson

我上年畢業後返咗美國,最近返香港就開始正式搵工,膽粗粗去見份sales,自問表現好唔理想,又冇相關經驗,不過Team Head A都請咗我,返工後被安排去Team Head B嘅部門,後來先知Team Head A係Sales Team最大粒嗰個。

問題係我做咗三個月都開唔到單,重要工作同埋客戶亦冇我份,全部跟啲死客。我覺得好對唔住Team Head A,走去問佢當日點解請我,佢咁樣答:「唔使咁大壓力,一早知你唔係做Sales嘅材料,不過見你幾過癮,幾活潑,講嘢又幾好笑,我哋公司死氣沉沉,所以請你返嚟搞下氣氛,最重要係你都食煙,佢哋全team都係煙鏟,應該夾得到。之前個女仔唔食煙,成日話佢哋好大陣煙味,大家都做得好無癮。」

原來佢請我返嚟只係想搞氣氛,同埋因為我食煙,其實我係咪應該辭工?

error: