投稿讀者:樂雯

最近真係好需要一啲正能量,呢篇投稿來得及時,希望我將來都會係一個好老細。

投稿讀者:樂雯

做咗咁多年HR,extend probation就見得多,提早過probation都有,少見啲囉,因為一過咗就加人工,老細通常慳得一個月得一個月,不過最近親身經歷咗一個case。

事緣8.5大罷工,包括我在內嘅幾位員工晨早已經講定響應,有啲同事就以「交通大擠塞」為由射咗波,查實老細一早已經默許㗎喇,我哋公司唔大,做體育用品批發,得十幾個人,老細大約40歲,都係企示威者嗰邊。

老細當日自己有返公司,因為佢屋企同office好近,本身都係返嚟攞下信同埋文件,hea一hea就走,但就畀佢見到有個新入職嘅妹妹仔好準時9點返工。

老細當日同佢傾過偈,原來個妹妹仔好想響應罷工,但係新入職唔好意思出聲,亦都未有假可以攞,當時佢只係返得幾日工,唔敢射波。

9月頭嗰陣老細同我講:「呢個後生女幾乖,做嘢妥當又有責任心,畀佢提早過試用期啦,如果有同事知道佢8月5號返工,記住叫大家唔好誤會,人哋新嚟唔敢請假咋。」

當日我老細趕咗個妹妹仔返屋企,其實香港仲有僱主好有愛,識分是非黑白,有人性有溫度,雖然係少啲,但真係有咁好嘅人。

error: