以上嘅interview question經常出現，有人答得好好，好過出面嘅教材式model answer，但亦會有人覺得不知所措，講到好想入嚟做又太假，講到冇乜所謂又太hea，以下有啲要點畀大家參考，下次見工前可以先做好準備，另外亦有標準答案提供，不過最重要始終係臨場執生。
以下內容如果想睇純英文版本，歡迎去辦公室日報嘅LinkedIn 👉 https://www.linkedin.com/company/office-daily/
Why Do You Want to Work Here? Why Do You Want to Work For This Company?
站於HR或者Recruiter嘅立場，佢哋都係想睇下你fit唔fit間公司，而點樣界定fit定唔fit呢？咁就靠你interview之前做定功課喇，而家互聯網發展咁發達，上網search下已經乜都有，何況邊個話只有公司可以揀你，你都可以喺做資料搜集嘅同時，睇清楚間公司適唔適合自己。
咁有啲咩可以做research呢？
• Admiration of other company initiatives (for example ：social media campaign, training programs…etc)
• Admiration of products/services
• Company culture
• Company reputation
• Company growth
• Key leaders
公司做乜，一定要好清楚，唔係間間公司都係微軟或者蘋果呢類街知巷聞嘅巨企，有啲細公司甚至中小企，你睇個名真係唔知佢做緊乜，例如XXX實業公司，咩係實業先？就算佢係做紙，又係邊啲產品先？A4紙？幫地產商印樓書？做生日卡？
間公司賣product定係賣service都要搞清楚，LV Gucci咪主力賣product囉，辦公室日報呢啲蚊型公司就係賣service，我哋主力做廣告，唔係一件實物，又或者一間IT公司，佢都未必係賣電腦或零件，可能係賣雲端科技，咁即係賣service. 講開廣告，可以search下嗰間公司有冇做咩宣傳，Hero product係咩？呢期sell緊咩？
公司文化或者聲譽方面，真係有啲一search就見到好多負面新聞，所以做定功課可以保障自己，而公司方向同文化亦可以睇LinkedIn.
Key leaders係公司靈魂，佢嘅理念都好重要，知道你潛在老闆係邊個，佢係一個點樣嘅人，有冇訪問內容講過啲咩，對你了解份工係好有幫助。
以下係一啲〝Why Do You Want to Work Here? 〞或者〝 Why Do You Want to Work For This Company? 〞嘅回應例句：
Before you called me about this opportunity, I must admit that I didn’t know much about your company. I’ve been doing some research in preparation for this discussion, and I need to say that I’m impressed by your work and your vision for the future. I know I can bring a lot of value to the team.
⭐ 就算之前唔識佢哋公司都唔緊要，最重要係畀對方知道，你上嚟interview之前真係有做功課，而且research完後亦覺得適合自己，有時坦白係會加分㗎！
I think my biggest priority right now in my job search is to continue building my business development skills. I reviewed the job description and saw this is mentioned a lot, so I thought the position seems like not only a good fit for what I want, but a role where my skill set would be well-used and needed.
⭐ 已經清楚解釋咗點解你想入嚟做，因為公司發展前景同你追求嘅方向一致，而且令對方focus返你嘅skillset好適合公司。
I read your company’s mission and vision. After finding out more information about your company from social media, I can clearly see how my goals align with the purposes of the company. I would love to be a part of this innovative team and use my skills to continue the groundbreaking work you are doing here.
⭐ 直接稱讚呢間公司嘅產品同服務，當然係有point嗰隻啦，呢樣點都會加分，一來夠了解佢哋，二來站於老闆角度，佢都希望請一個欣賞公司產品同服務嘅員工㗎嘛！