以前成日聽人講「交功課」，講到同老婆搞嘢好似行刑咁，初初唔明㗎，心諗有冇咁慘呀？直至自己成家立室之後終於明白箇中感受。
我以前仲係住公屋嗰陣，連傾個電話談情都要鬼鬼鼠鼠，屋企細吖嘛，驚阿哥細妹聽到會肉麻。想搞嘢又冇地方，要想盡辦法去離島過夜、去澳門旅行，次次都大費周章，其實都係想扑個嘢過吓二人世界啫。好嘞，前年終於同老婆拉埋天窗，然後租咗個四百幾呎嘅單位住，有個小天地照計爽皮喇係咪？點估到而家嘅我會怕咗扑嘢吖！
其實我老婆唔算大食，但唔知點解我變得好細食，又應該咁講，我依然係好鹹濕，只係冇以前咁想掂老婆啫！又唔好誤會，我唔係唔愛佢，亦都冇第二個，只係日對夜對梗會見到啲以前拍拖見唔到嘅嘢，例如老婆個鬚根格肋底、著住底褲但側邊攝咗條好攣好長嘅毛出嚟、同埋未剃腳毛等等，我認為呢幾樣嘢對男人嚟講係一大衝擊，好容易令我哋turn off！
知道大家實會屌我，我明白冇可能要女人無時無刻都處於最佳狀態，呢期要戴口罩我都不修邊幅，兩個人住埋一齊就係咁，呢點我完全明白，但最近見到老婆著住背心，啲格肋底毛叉晒出嚟，可能佢都留意到我發現佢個海膽格肋底，然後佢講咗句：「咁勤力剃嚟做咩吖，你都唔掂我！」我知佢係想講笑打圓場，但唔知點解覺得嗰刻好對佢唔住。
我試過好多方法㗎喇，入房瞓覺前煲套鹹片儲火，唔work！刻意搵啲似老婆嘅AV女優嚟睇，希望boost返起個性慾，又係唔work！我同老婆嘅搞嘢次數，已經由初初結婚嗰時嘅一星期三、四次，變到而家一個月一、兩次，有時佢都懷疑我係咪唔愛佢，但我又唔識點同佢解釋，唔通話對住佢冇性慾，起唔到機咩！
男人好奇怪，對住自己個女人會有搞到厭嘅一日，但打飛機就打極唔會厭，有時大壓力到飛機都唔敢打，因為如果靜靜雞打咗，撞正嗰晚佢叫你「交功課」就大鑊。
唔知有冇人夫同我一樣，每個月老婆嚟M嗰段日子，就係全個月最冇壓力嘅時候，一來唔使「交功課」，二來可以冇後顧之憂咁打飛機。
=====
🤫 兩公婆嘅嘢……即刻諗起寶豬呢篇文
《Work from Home 做愛做的事好羞恥咩？》
https://hkofficedaily.com/?p=15353