辦公室日報係2017年開page，但由於之前以私人身份接job，所以正式成立有限公司係2019年，而新公司首次報稅規定喺一年半之後，雖然搵咗會計師幫手，不過仍然有好多問題要周圍請教。
我：「Hello Marco，有啲嘢想請教你個會計師老婆。」
Marco：「不如今晚上我屋企食飯啦，到時慢慢問，順便試下我老婆啲手勢。」
恭敬不如從命，去到人哋屋企都要扮下嘢嘅，就入廚房幫幫佢兩公婆。
Marco：「唔使啦，大家都知你係地獄廚神，我唔想間屋火燭或者有人食物中毒，你返出去等食啦！」
阿嫂：「你唔畀佢練下又點樣進步呀？You cannot cook a good dish if you don’t spend time in the kitchen.」
我：「你睇下阿嫂幾有見地吖！」
Marco：「呢句野係我當年鼓勵佢考會計師嗰陣講㗎！有見地嘅應該係我先啱。」
佢哋咁講又好似有啲印象，當年Marco老婆喺事業上停滯不前，嗰間舊公司連續幾年侮辱性加薪，所以阿嫂份糧遠低於市價水平，佢向老闆提出希望人工方面有調整，可惜事與願違，結果一怒之下辭職，但最嬲嘅係，個老闆後來請咗個能力低過佢，但人工高過佢嘅人。
Marco老婆嘅經歷對好多人嚟講並唔陌生，就算你未試過，你身邊都總有人試過，舊酒新瓶嘅情節每一日都喺職場上演，唯一唔同嘅係，嗰次嘅經歷冇打沉阿嫂，佢更加冇自怨自艾花時間去詛咒舊公司，反而走咗去進修，考個CPA返嚟。
阿嫂：「其實我當時喺度諗，我覺得唔抵，可能老闆亦都覺得我唔值，拗嚟都冇用，不如裝備好自己，去一間認為我值一個好價嘅公司，咁先係最強而有力嘅還擊，長遠對自己嘅發展亦更好。」
非常正面同積極嘅諗法，當時阿嫂就確定去考澳洲CPA，由於澳洲CPA喺香港認受性極高，有咗一個牌求職嘅時候自然有優勢，勝算更高。我知道而家好多公司，好似會計師樓，銀行同金融機構都會資助會員考試費。除此之外考澳洲CPA仲可以申請免稅額。
我：「咁當時讀咗幾耐先？」
阿嫂：「我嗰陣full time讀用咗一年已經完成，另外有個friend為咗想快啲升職加人工就一路返工一路讀，前前後後都係年半就讀完。」
聽返阿嫂講，澳洲CPA自修就得㗎喇，唔洗上workshop，得閒就睇下書，搭車又睇下webinar，溫書時間可以靈活安排，考試都係MC題多，加少少short questions，而且仲係open book咁考，每科考試範圍比哂你，仲有大量練習題做，合格率有6-7成，所以佢每科都係一take pass，話咁快就搞掂。
Marco：「其實我先係贏家，老婆讀完去咗間consulting firm做manager，唔止人工同福利好咗，連帶工時都短咗，因為而家嗰度嘅資源同人手都多吖嘛，唔會好似以前咁有返工冇放工，咩都要一腳踢。That’s why she can cook a good dish now! 未轉工之前我老婆嘅廚藝地獄過你呀！」
阿嫂：「使唔使摷返啲黑歷史嚟講呀，而家煮得好咪得囉！不過話時話，自從我考咗個CPA再update埋LinkedIn，估唔到連銀行嘅HR都inbox搵我。」
我：「正常吖！好嘢係多人爭㗎啦！我當年做headhunt有唔少candidate想轉行，可惜差咁個professional qualification，你而家完完全全係一個成功嘅例子啦，用最短嘅時間考個專業資格返嚟裝備好自己，成功轉型之外仲有唔少工任你揀，如果LinkedIn有人approach咪睇下吸唔吸引先決定囉，最緊要主動權喺你手吖嘛！」
“You cannot cook a good dish if you don’t spend time in the kitchen.” 唔止講緊廚藝，仲講緊我哋未來路向，職涯發展，人生規劃，識得好好進修同埋裝備，得益嘅永遠係自己！
總括嚟講，要成為澳洲註冊會計師CPA (Aust.)，需通過澳洲註冊會計師課程 (CPA Program) 考試，想知道點樣免除考試，學習應試技巧，仲有了解考試題型，可以報名參加澳洲會計師公會Become a CPA Webinar (網上講座)，參加者將有機會節省HKD995入會申請費，快啲click以下呢個網址報名啦！
查詢詳情，請致電+852 28913312 或 電郵至 hk@cpaaustralia.com.au