放工我會好快咁自己走，因為做足全日已經太攰，正當聽緊RubberBand嘅《未來見》，公司部電梯又好唔爭氣層層停，結果有兩個女同事出咗嚟一齊等，仲同路一齊行去搭車，最難捱係其中一個女同事起勢講自己男朋友壞話，話聖誕同除夕點樣安排得唔好乜乜柒柒，屌！我想聽歌呀！
另一個八婆同事唯恐天下不亂，乜都踩一腳：「嘩！咁衰呀！我覺得你男朋友唔要得囉！好cheap呀！」
當事人係咁問我意見，話咩男人睇返男人準啲，但我全程支吾以對，聽完之後笑笑就算。
八婆同事繼續發功：「唓！男人一定幫返男人架啦！你睇佢咩都冇意見。」
結果我迫於無奈扮約咗人走，由金鐘搭去中環再轉東涌線輾轉返荃灣，除咗想耳根清靜，其實仲想講一樣嘢。
To 起勢鬧自己男朋友嗰位同事：
「唔好成日喺外人面前講自己另一半嘅壞話，一時之氣可能過咗就冇，但其他人聽完就會將你另一半定型，甚至周圍唱。」
To 唯恐天下不亂個八婆同事：
「唔好用局外人身份係咁踩人哋另一半，因為佢哋可能純粹耍花槍，轉個頭又恩恩愛愛，將說話講到咁難聽咁盡，第日尷尬嗰個只係你自己。」
屌！阻住阿叔聽《未來見》