我以前搵暑期工已經遇過倫敦金㗎喇，當時勝在「窮」，根本冇錢畀人呃，後來有足夠經驗同埋智慧去認清呢啲社會騙局，耐唔耐就會見到身邊有人中招。2017年啱啱有呢個page嘅時候，我寫過關於洗腦課程嘅專題，2018年更加寫咗一個連載叫做《前度，希望你過得好》，內容係講EX突然約我出嚟食飯，劈頭就問我有咩人生目標？最後仲叫我投資骨灰龕場。
點知嚟到2020年，我仍然見到有相識嘅人中招。其實好想拉返佢哋出嚟，但冇一次係成功，所以我盡量將說話講得mean啲，再將寫過嘅稿send去做reference，希望佢會醒啦🤦🏻♂️