「想問下你作為一個HR，覺得幾耐轉一次工先合理呢？」一早知道呢個朋友仔今日去interview，所以佢打得嚟問呢個問題，應該係頭先遇到啲挫折同埋屈委㗎喇，就聽下佢有啲咩想呻先。
我：「即係咁，我冇做HR好耐，不過幾耐轉一次工為之密呢，其實就個個嘅尺度同睇法都唔同，例如一份工比一份工嘅title更高，福利待遇更好，公司規模更大，咁唔通話你錯咩，人望高處好正常啫！」
「咪就係囉！頭先去interview比HR串我轉工轉得好密，平均三年一次算密？」
我：「有人覺得一兩年轉一次工先叫密，有人覺得五年轉一份工仲係好密，把把尺都唔同，真係冇標準㗎！」
「咪就係冇標準先下麻煩囉，我阿哥早排都搵工，佢仲好笑，一份工做咗十幾年，去到interview又畀人challenge點解人到中年先轉工，點解做咁耐先走，喂，你哋班HR想點呀？做得耐又質疑，做得短又懷疑。」
我：「嗱，我再強調一次，唔係『你哋』，我而家唔係做HR，亦唔係做headhunt。」
「即係咁講啫，我都成30歲人啦，做過兩至三份工好合理啫，唔啱咪轉囉！你班HR自己唔轉工㗎？」
睇嚟我再同佢解釋自己唔係做HR都冇意思㗎喇……
我：「講真吖，大把人30歲嗰陣已經轉咗六至七次工，我就係其中一個，MPF都六七份，誇唔誇張？所以唔好畀一次interview打沉，send多幾份CV先囉，人揀你，你揀人吖嘛！」
「講起MPF又係煩，係喎，你以前轉工仲密過我，問你就啱喇，你啲舊公司全部用同一間MPF㗎？」
我：「唔係呀，間間都唔同㗎！」
「咁點搞呀？我之前轉咗幾份工，幾份都用唔同嘅強積金，email同埋信都收幾份，煩到嘔白泡，間間回報又唔同，有間仲好笑，可能我嗰陣做嘅日子好短，得幾千蚊，條條fing咁都唔知做乜！」
用條條fing（正字應該係吊吊揈）去形容強積金，我都係第一次聽。
我：「其實你轉工真係無罪，我哋亦都控制唔到啲公司揀邊個強積金機構，不過啲數搞到咁亂咪搵自己笨囉，可以做返好個整合㗎嘛，就算你嚟緊搵到新工，一樣可以combine埋，咁就唔會東一忽西一忽，check數都煩啦！」
究竟轉幾多次工為之多，幾多次為之合理，對唔同嘅人嚟講有同嘅標準，試問邊個會「只願一生愛一人」，從頭到尾淨係跟過一個老闆吖！不過強積金戶口愈簡潔愈好呢個標準，相信就人人一樣㗎喇，因為搵工、返工、生活、做人……仲唔夠煩咩？我自己都用緊bct+ 去整合MPF，既方便又容易，只需3步就可以完成，而且身在何處都可以用個app操作，第日要check返啲供款、check總額，甚至係更改投資組合都好，三兩下手勢就搞掂啦！
雖然我唔知大家一共轉過幾多份工，但如果你哋而家先用bct+ 去整合MPF都未遲㗎，仲著數添呀，因為新客戶可以拎到20,000基金單位回贈，作為一個打工仔，轉工都係想追求更好待遇啫，呢一點絕對冇錯，不過就唔好搞到自己啲強積金亂七八糟，因為將來你會好煩㗎， 快啲去 https://bit.ly/3dv51jV 了解有關整合去BCT嘅優惠詳情啦！